Бүгін Жамбыл облысы ТЖД Өрт сөндіру мекемесініңТараз қаласы №1
мамандандырылған өрт сөндіру бөліміне облыстық «Jambyl» телеарнасының тілшілері анайы келіп, «Өрт сөндірушілермен өткен бір күн» тақырыбында түсірілім ұйымдастырды. Аталған түсірілім барысында мектеп оқушысы басты кейіпкер ретінде алынып, «мен өскенде өрт сөндіруші боламын!» деген бала арманы аясында ұйымдастырылған еді. Басты кейіпкер өрт сөндіру бөліміне арнайы келіп, өрт сөндірушілерден өзінің көкейінде жүрген өзекті сауалдарына тиісті деңгейде жауап табады. Түсірілім барысында әлгі оқушы өрт сөндірушілердің өрт оқиғаларына шыққан сәтінен бастап, тамақтануы, жаттығулар жасауы және жатын орнымен, жалпы бір күндік тыныс- тіршілігімен толықтай танысып шықты.
Жалпы Тараз қаласы №1 мамандандырылған өрт сөндіру бөлімі облыс
бойынша өрт оқиғаларына неғұрлым көп шығатын жауынгер бөлім десек
қателеспейміз. Бұл өрт сөндіру бөлімінде кілең сайдың тасындай іріктелген батыл да батыр жігіттер қызмет атқарып, түрлі сипаттағы ерлік істерімен танылып келеді.
