Бүгін желіде Тараз қаласында болған жантүршігерлік оқиғаның видеосы тарады. Тұрғындар қоғамдық көліктің жаяу жүргіншіні қағып кеткенін видеоға түсіріп алған.
Тараз қалалық полиция басқармасының ақпаратына сәйкес, оқиға 11 қараша таңғы сағат 08:50 шамасында болған. Жаяу жүргіншіні қаққан сәтте автобус ішіндегі жолаушы видео түсіріп тұрған. Сол сәтте қайғылы жағдай орын алып, оқиғаның болған кезі видеоға жазылған.
Маршруттық автобустың 22 жастағы жүргізушісі Жамбыл және Төле би даңғылдарының қиылысында көлік құралының қозғалысына қатысты жолды оңнан солға қарай өтіп бара жатқан 58 жастағы жаяу жүргінші әйелді қағып кеткен. Оқиға салдарынан жүргінші қайтыс болды.
Аталған дерек бойынша ҚР ҚК-нің 345-бабы 3-бөлігі бойынша сотқа дейінгі тергеу басталды. Сот-медициналық сараптамасы тағайындалды. Кінәлі адам Тараз қаласының уақытша ұстау изоляторына қамалды. ҚР ҚІЖК-нің 201-бабы негізінде тергеу мүддесінде істің мән-жайы жария етілмейді.
ТАРАЗ ҚАЛАЛЫҚ ПОЛИЦИЯ БАСҚАРМАСЫ
Дереккөз-https://kaz.orda.kz/taraz-alasynda-avtobus-zhajau-zh-rginshini-a-yp-ketti/
