«Талас ғұмыры» қоғамға қызмет етеді
Еліміздегі жастардың бойына патриоттық рух беріп, қоғам өміріне белсене араласуы үшін жастар бірлестіктерінің атқарар рөлі өте үлкен. “Талас ғұмыры” жастар қоғамдық бірлестігі осы үдеден шыға отырып, 2014 жылдан бастап қарқынды түрде жұмыс жасап келеді. Құрылған сәттен бастап аталған ұйымды облысымздағы белсенді жастардың қатарынан көрініп жүрген Боранбай Әбдірәсілұлы басқарады. Бірлестік өскелең ұрпаққа тәлім-тәрбие беру, жастардың бос уақытын ұйымдастырып, отанға деген сүйіспеншілікті арттыру, жалпы облыстағы оның ішінде Талас ауданындағы жастар саясатын жүзеге асыру бағытында жұмыс жасайды.
«Талас ғұмыры» жастар бірлестігі жылдар бойы мемлекеттік әлеуметтік тапсырыс шеңберінде үлкен жобаларды жүзеге асырып келеді. Оның ішіндегі ауыз толтырып айтарлық жобалардың бірегейі аталған ұйымды осы жылдың қазан айында Тараз қаласы әкімдігі ішкі саясат бөлімінің мемлекеттік әлеуметтік тапсырысы шеңберінде Жамбыл политехникалық колледжінде Елбасы Н.Назарбаевтың «Болашаққа бағдар: рухани жаңғыру» атты мақаласын қала тұрғындарына түсіндіру мақсатында «Отаным — тағдырым!» атты TED talks форматында жиын өткізді. Шараға Тараз қалалық мәслихатының депутаты Серікбол Беріккожа, «Нұр Отан» партиясы Тараз қалалық филиалының «Жас Отан» Жастар қанатының басшысы Бақкелді Тұрсынбек, М.Х. Дулати атындағы ТарМУ жастар ісі жөніндегі ректордың көмекшісі Арнат Ұлтанбаев, «Талас ғұмыры» жастар қоғамдык бірлестігінің консультанты Жазира Көлбаева мен аталған оқу орнының қызметкерлері мен студенттері қатысты. Жиынға қатысушылар Елбасы мақаласының бағыттары бойынша түсіндіру жұмыстарын жүргізді. Мұнымен қоса бірлестік осы жылы Тараздағы № 13 Темір жол колледжінде «Рухани кемелденудің жаңа бастауы» тақырыбында үлкен коференция өткізді. Ұйымның жалпы облыс көлемінде өткізген біршама шаралары жастарға мол тағылым беріп, ел мүддесі жолында еңбек етуге үлкен даңғыл жол салуға талпыныс сыйлап отыр.
Қазіргі таңда «Талас ғұмыры» жастар қоғамдық бірлестігі Елбасы мақаласын жан-жақты талдаумен қатар, провациямен, яғни сотталып, өз жазасын өтеп келген азаматтарды қоғам өміріне бейімдеп, психологиялық көбек беру, жұмысқа орналастыру жұмыстарымен де қарқынды түрде айналысуда. Мұнымен қоса бүгінгі күні күрмеуі қиын түйіткілді мәселелердің бірі облыстағы neet жастарды тауып, оларды тиісті білім еру орындарына тіркеу жұмыстарымен де тұрақты шұғылданып отыр.
«Талас ғұмыры» жастар қоғамдық бірлестігі келешекте осы қарқынынан таймай, азат елдің айбынды жастарын тәрбиелеу жолында аянбай тер төге береді деген ойдамыз.
TURANINFO.KZ
