Талас ауданы тұрғындары белігілі исламтанушылармен кездесті

Қоғам дамуын тежеп, қауіпті жағдай туындататын кеселдің бірі — Діни экстремизм. Қоғамның ең әлсіз де тұсы осы дін, жастарымыздың дін туралы сауаттылығы нашарынан ба, әлде бір себеппен ба, түрлі секталарға немесе дәстүрлі емес дінге кіруде. Бүгінгі «Діни экстремизмнің алдын алу» қазіргі қоғамның, қала берді әлемнің ортақ міндеті. Жалпы осы тұста Экстремизм деген не, Қоғамға тигізер әсері қандай деген сұрақтарға жауап беріп көрсек. Қазіргі таңда діни ахуал жағдайында жалпы экстремизм деген терминге зерттеушілер ортақ бір нақты мазмұн беретін балама сөз тапқан жоқ. Әр ғалым өзінше сөз саптайды. Бір анығы, қоғам үшін бұл – үлкен қауіпті құбылыс. Нақты балама жоқ. Енді осы экстремизмнің мағынасына үңілер болсақ, экстремизм (ехtгеmus) деген латын тілінен енген термин, сөздік мәні соңғы, шеткі деген мағынаны білдіреді, ал саяси мағынасы шектен шыққан көзқарас пен іс — әрекет арқылы ерекшеленетін күрделі әлеуметтік феномен. Сонымен қатар, бұл – тікелей немесе жанама түрде парламенттік демократияны жоққа шығаратын саяси қызмет түрі. Сондықтан да қазіргі таңдағы өзекті мәселелердің бірі «Дін экстремизмнің алдын – алу».
Осы мақсатта 2016 жылы 11 — 13 қазан күндері Талас ауданы әкімдігі ішкі саясат бөлімінің мемлекеттік әлеуметтік тапсырыс шеңберінде «Жамбыл облысы Жастар мәслихаты» жастар қоғамдық бірлестігі «Діни экстремизмнің алдын алуға бағытталған ақпараттық алдын алу» тақырыбында Мысыр Республикасы әл-Әзһар университетінің түлегі Нұралы Бақытұлы Талас ауданы әкімдігі ішкі саясат бөлімінің мамандарымен бірлесіп ауылдық округтерде 11 кездесу өткізген болатын. Ауыл тұрғындарымен болған кездесулерде Нұралы Бақытұлы діни экстремизм мен терроризмнің алдын алу жұмыстары негізгі 2 бағытта, атап айтқанда жалпы профилактика және мақсатты реабилитациялау жұмыстары арқылы жүргізіліп жатқандығын жеткізді. Сондай-ақ ол профилактика қоғамда діни экстремистік идеологияны жақтырмау ахуалын қалыптастыруды, дінге қызығушылық танытатын тұрғындардың сауатын көтеруді көздейтіндігін,  ал мақсатты реабилитация, яғни оңалту тәуекел топтар мен экстремистік ағымдардың идеологияларына еріп кеткен адамдарды теологиялық тұрғыдан дәстүрлі сенімге қайтару мақсатында жеке жұмыстар жүргізу арқылы іске асырылатындығына хабардар етті. Сонымен қатар ағымдағы жылдың 25-26 қараша күндері дін саласындағы республикалық ақпараттық түсіндіру тобының мүшесі, Оңтүстік Қазақстан облысының найб имамы Еркебұлан Қарақұлов та 4 кездесу өткізген болатын. Атап айтқанда, аудандағы Балалар өнер мектебінде аудан тұрғындарымен, ТарМУ-нің ИТМФ-де студенттермен, аудандық орталық мешітте жұма намазға келуші жамағатпен және аудандық ішкі істер бөлімінде құқық қорғау органдары қызметкерлерімен кездесу өткізді. Басқосуларда Еркебұлан Қарақұлов дінге біт бұрғаннан кейін адамға әуелі аса ұқыптылық пен көкжиегі кең білімнің қажет екендігін айтып, жамағатты салғырттыққа жол бермеуге шақырды. Дін экстремизмнің алдын – алу аудан, ауыл тұрғындарымен кездесуден шешілетін мәселе емес екендігі анық, сондықтан өткен ол кездесулер осы үлкен өзекті мәселенің алдын алу шарасының бірі болды. Әрбір азамат қоғам тыныштығы үшін діни экстремизмге табанды түрде қарсы тұруы тиіс. Қазақ халқы ертеден-ақ бірліктің, ынтымақтың маңызын жете түсінген. Бабаларымыздан өсиет болып бізге жеткен «Бақ қайда барасың ынтымағы мен бірлігі жарасқан елге барамын» деген қанатты сөз бүгінгі күн ішінде өз көкейкестілігін жойған жоқ. Кемеңгер бабаларымыз «алтау ала болса ауыздағы кетер, төртеу түгел болса төбедегі келер»деп елді бірлікке шақырып отырған. Сондықтан бәрімізге қастерлі істің бастауы — тәуелсіздігіміздің нығаюы үшін, елімізде ұлтаралық және дінаралық татулықтың сақталуы үшін бір кісідей атсалысу қажет.