Жамбыл облысы әкімдігінің Табиғи ресурстар және табиғат пайдалануды реттеу басқармасының «Экологиялық ағарту және насихаттау шараларды жүргізу» мемлекеттік әлеуметтік тапсырыс шеңберінде «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастыруымен, Жамбыл индустриалдық-техникалық колледжі, Абай атындағы Жамбыл гуманитарлық колледжі, Жамбыл политехникалық жоғары колледжінде экологиялық тәрбие беру мақсатында «Табиғат — ананы бірге қорғайық!» тақырыбында семинар өткізілді. Семинарға 300-ден астам жастар қатысты. Семинарға қонақ ретінде «Ақ-Сұңқар» жастар қоғамдық бірлестігінің төрағасы Әбдиев Еркін Қайырбекұлы, Тараз қалалық «Жастар ресурстық орталығы» коммуналдық мемлекеттік мекемесінің директор орынбасары Есіркепов Абзвл Есенұлы және «Жамбыл облысы жастар ұйымдарының Қауымдастығы» заңды тұлғалар бірлестігінің атқарушы директоры Камал Тұрлыхан Әлиханұлы қатысты.
Семинар барысында арнайы әзірленген бейнеролик көрсетіліп, экологиялық бағыт бойынша шығарылған буклеттер таралып, пікір-ұсыныс алмасылды.
