Бұл шара «Таңдауымыз – адал қоғам» тақырыбында өткізіліп, жастардың сыбайлас жемқорлыққа қарсы көзқарастарын қалыптастыру, оның зардаптарын түсіндіру және азаматтық жауапкершілікті арттыруға бағытталды.
Турнирге 20-дан астам команда қатысып, белсенді пікірталас өткізді. Жас пікірсайшылар өз ойларын ашық әрі дәлелді түрде жеткізе отырып, адалдық, әділеттілік және қоғамның болашағы туралы өз көзқарастарын ортаға салды. Бұл жоба жастардың қоғамдық белсенділігін арттыру, азаматтық сана-сезімді дамыту мақсатында ұйымдастырылды.
Турнир «Альфа» және «Бетта» лигалары бойынша өткізілді. «Бетта» лигасында 1 орынды «Алаш» фракциясы, 2 орынды «Ақтаң» фракциясы, ал 3 орынды «Ультиматум» және «Создатель» фракциялары иеленді. «Альфа» лигасында 1 орынды «Субстанция» фракциясы, 2 орынды «Триумф» фракциясы, 3 орынды «Телепатия» және «Джентельмен» фракциялары алды.
Турнир барысында арнайы номинациялар да белгіленді. «Ең үздік спикер» аталымымен Дәулетұлы Әлихан, «Ең үздік төреші» ретінде Жанысбай Балнұр, ал «Ең үздік жетекші» атағына Мархабай Мұхамедәли ие болды. Жеңімпаздар мен жүлдегерлер арнайы дипломдармен және ақшалай сыйлықтармен марапатталды.
Бұл пікірсайыс турнирі жастардың әлеуметтік мәселелерге деген көзқарасын кеңейту, олардың азаматтық белсенділігін арттыруға мүмкіндік берді. Адал қоғам құру жолындағы талпыныстарымыздың жемісі ретінде, осындай шаралардың тұрақты түрде өткізіліп тұруы маңызды. Жастардың осы бастамасы болашақта қоғамымыздағы адалдық мәдениетінің нығаюына зор әсер ететіні сөзсіз.
