«TURANINFO.KZ» ақпарат агенттігі Сыбайлас жемқорлыққа қарсы іс-қимыл Ұлттық бюросы Жамбыл облысы бойынша департаментіне сұрау хат жіберілген болатын. Департамент басшысының орынбасары Арман Рахимов төмендегідей жауап берді:
— Қазіргі таңда, Жамбыл облысы бойынша Сыбайлас жемқорлыққа қарсы қызметімен Т.Рысқұлов ауданы әкімдігінің лауазымды тұлғаларына қатысты сотқа дейінгі тергеп-тексеру жүргізілуде. ҚР ҚПК — нің 201 бабына сәйкес, сотқа дейінгі тергеп-тексеру деректері жария етілмеуге тиіс. Сотқа дейінгі тергеп- тексеру аяқталғаннан соң, аталған іс бойынша тиісті ақпарат ҚР ҚПК 201 бабының сәйкес қадағалаушы прокурордың рұқсатымен Сізге ұсынылатын болады» — делінген.
Әкім Қрықбаев құрыққа ілінді ме? тақырыппен «Жас алашта» мақала жарық көріп еді. Бізге келген «ұзынқұлақтарға» сүйенсек әкіммен қылмыстық істе ауданның аппарат басшысы бой көрсеткен. Ал, негізгі мотиві тендерді жеңіп алған ЖШС басшысынан пара алу фактісі немесе қызметтік лауазымды асыра пайдалануда болуы да мүмкін. Сотқа дейінгі тергеп-тексеру аяқталғаннан кейін мән-жайларды толық біле алатын боламыз.
