Татуластырушы-судья Рукия Ясарова тараптарға дауды «Соттағы татуластыру рәсімдері» пилоттық жобасы шеңберінде татуластыру рәсімін қолдана отырып шешуді ұсынды. Ол тараптарға осы рәсімнің тәртібін, салдары мен артықшылықтарын түсіндірді. Нәтижесінде тараптар медиативтік келісімге келіп, соттан бекітуді сұрап арыз келтірді.
Шарт талаптарына сәйкес, талап қоюшы өз кезегінде талап арызынан бас тартады, ал жауапкер жалпы сомасы 68 362 500 (алпыс сегіз миллион үш жүз алпыс екі мың бес жүз) теңгені талап қоюшы серіктестіктің есептік шотына екі бөліп, 2020 жылдың 1 қазанына дейін төлеуге міндеттенеді.
Осы ретте, олар өзара іскерлік қарым-қатынасты сақтап, сот шығындарына жұмсалатын ақшалай қаражатты үнемдеуге де қол жеткізді.
Сот бітімгершілік келісімді бекітіп, іс бойынша іс жүргізуді тоқтатты.
Талап қоюшыға 683 625 теңге сомасында мемлекеттік баж қайтарылды.
Сот ұйғарымы заңды күшіне енген жоқ.
Жамбыл облысының мамандандырылған ауданаралық экономикалық сотының баспасөз қызметі