2024 жылғы екінші жартыжылдықта прокуратура органдары әкімдікпен бірге басты артықшылығы рұқсат беру рәсімдерін қашықтықтан өту арқылы бақылауды цифрландыру және бизнесті қолдау болып табылатын жобаның мүмкіндіктерін тестіледі.
Жоба жер қойнауын пайдаланушылардың міндеттемелерін орындауына қашықтықтан мониторинг жүргізуді, есептерді тапсыру және цифрлық көмекшінің көмегімен консультациялар алу мүмкіндігін қамтиды.
Сонымен бірге жасанды интеллектті қолдана отырып, жоба тау-кен шекараларының бұзылуын анықтау үшін келісімшарттық шекаралар мен геотүсірімдердің талдауын қарастырады.
Жалпы бағдарлама коммерциялық құпияны құрайтын ақпаратты жария ету мүмкіндігін болдырмаумен қатар, сыбайлас жемқорлық тәуекелдерін барынша азайтуға және мемлекеттік органдардың бизнес өкілдерімен байланысын қысқартуға мүмкіндік береді.
Бүгінгі күнге порталға 100-ден астам жер қойнауын пайдаланушыларға қолжетімділік қамтамасыз етілді, олардың 20-сы есептерді қашықтықтан тапсыру мүмкіндігін пайдаланды.
Сонымен қатар бағдарлама инвестициялық міндеттемелерді орындамау фактілерін, жер қойнауын пайдаланушылардың 59 келісімшарт бойынша өндіру көлемін орындамау фактілерін, санитарлық және экологиялық талаптарды сақтамаудың 19 фактісін, заңсыз өндірудің 41 фактісін анықтауға мүмкіндік берді, сондай-ақ 11 келісімшарт бұзылды.
Презентация қорытындысы бойынша кәсіпкерлер, «Атамекен» ӨКП және жұмылдырылған органдар адал кәсіпкерлерді қорғауға бағытталған пилоттың нәтижелерін мақұлдап, жобаны одан әрі іске асыру туралы шешім қабылдады.
Парламент Мәжілісінің депутаты Мұқаш Ескендіров экономиканың осы секторын қолдаудың және адал кәсіпкерлерді қорғау маңыздылығын атап өтті.
Бұдан әрі жобаны іске асыру Жамбыл облысының әкімдігі мен Мамандандырылған табиғат қорғау прокуратурасы арасында жасалған меморандум шеңберінде жалғастырылатын болады.
Жамбыл облысы прокуратурасы
