«Әскерге бару — азаматтық парызым!» атты облыстық патриоттық акциясы өткізілді

Ағымдағы жылдың 3 мамыр күні «Көне Тараз» тарихи-мәдени орталығында жастардың бойында патриоттық тәрбие қалыптастыру, әскери қызметтің беделін көтеру мақсатында Қазақстан Республикасы Қарулы Күштерінің құрылғанына 25 жыл және Ұлы Отан соғысындағы Жеңістің
72 жылдығына орай, облыс әкімдігі жастар саясаты мәселелері басқармасы мен облыстық Қорғаныс істері жөнінденгі департаментінің ұйымдастыруымен «Әскерге бару — азаматтық парызым!» атты облыстық патриоттық акциясы өткізілді.

Акцияға облыс әкімінің бірінші орынбасары Б.Орынбеков, «Жамбыл облыстық генералдар кеңесі» Республикалық қоғамдық бірлестігінің директоры Ә.Қазиев арнайы қатысып, жастарды Отан алдындағы қызметін абыроймен атқаруға шақырды.Шара барысында патриоттық әндер шырқалып, жауынгерлік қойылымдар көрсетіліп, әскер қатарына шақырылушылар мен олардың ата-аналары шараға қатысушыларға жылы лебіздерін білдірді.
Жастарға үлкен серпін беріп, жауынгерлік рухты оятатын айтулы жиында ұйымдастырушылар тарапынан әскер қатарына шақырылған жастарға қажетті заттар табысталып, Отан алдындағы борышын өтеуге 30 сарбазды салтанатты түрде әскер қатарына шығарып салды.