«602,865 миллион теңге бөлінген»
Әлі күнге дейін нәтижесінің шеті көрінбеген Топқайдың ауылындағы ауыз су мәселесі 2018 жылы қолға алынған. Аудандық құрылыс бөлімі берген жауапқа сенсек, су жүргізу үшін 602,865 миллион теңге бөлінген.
«2018 жылы 26 қарашада Қатонқарағай ауданының Топқайың ауылындағы су құбыры желілері мен құрылыстарын қайта жаңарту» бойынша жобалық-сметалық құжаттама әзірленіп, № ЭТС-0179/18 сараптау қорытындысы алынды. 2021 жылдың 28 мамырында № 21 шарт негізінде QazConstructions ЖШС мемлекеттік сатып алудың қорытындылары негізінде мердігерлік ұйым саналады. Жобаның жалпы құны — 602,865 млн теңге, жалпы игеру — 525,086 млн теңге», — делінген жауапта.
Жоба нәтижесі қашан дайын болады?
Ведомствоның жауабына сенсек, жобаны іске асыруға бөлінген қаражат игеріліп біткен. Жөндеу жұмыстары 2021 жылы басталған көрінеді. 4 жылдан бері нәтижесі жоқ жұмыстың соңғы кезеңі биыл 2-тоқсанда бітеді делінді.
«Облыстық қаражат есебінен жобаны іске асыру үшін қаражат бөлініп, игерілді. Нысан 2021 жылдың маусым айында жүзеге асырылып басталды. 2025 жылдың 2-тоқсанында пайдалануға беру жоспарланып отыр. 22.07.2024 жылдан бастап құрылыс-монтаж жұмыстары қайта жанданды. ҚМЖ (СМР) нақты орындалуы 80% құрайды», — деп жауап берді әкімдік.
Топқайыңның күйін кешкен неше ауыл бар?
Білуімізше, Топқайың Шығыста сусыз отырған жалғыз ауыл емес. Әкімдіктің айтуынша, тағы бірнеше ауыл осы мәселенің шешімін таппай отыр. Кейбіріне тіпті қаражат та бөлінбеген.
«Қатонқарағай ауданы бойынша су мәселесі келесідей ауылдарда туындап отыр. Қабырға ауылы, сметалық есеп жасалып, бюджеттік өтінім берілген, қаражат бөлінген жоқ; Жаңа-Үлгі ауылы, сметалық есеп жасалып, бюджеттік өтінім берілген, қаражат бөлінген жоқ; Еңбек ауылы, қазіргі уақытта ақаулы акт жасау жоспарланып отыр. Ауыл тұрғындарынан түскен өтініштер ескеріліп, уақытылы заңға сәйкес қаралып отыр», — дейді ведомство.
