2024 жылдың бірінші жарты жылдығында Атырау облысында жалпы ішкі өнімнің көлемі 6,7 трлн. теңгені құрады. Республиканың жалпы ішкі өніміндегі облыс экономикасының үлесі – 12,7%. 2024 жылдың 10 айында өңірге түскен салықтық және басқа түсімдер – 3,6 трлн. теңге.
17 инвестициялық жобаны іске асыру жоспарланған. Бүгінде оның жалпы құны 46,1 миллиардан асатын 8 жоба іске қосылды.
Биыл өңір шаруалары 10,3 мың гектар аумаққа егін егуді жоспарлаған еді. Өкінішке қарай, егінді жерлерді су басу салдарынан тек 5,3 мың гектар жерге егін егілді.
Бірақ, қуантатыны өңірімізде биыл ірі қара малдың басы көбейіп, саны 223,8 мыңнан асты. Үй құстарының саны да 2 есеге өсті десек болады. (2023-79 мың; 2024-195 мың;).
Жалпы ағымдағы жылы Ауыл шаруашылығы саласын дамыту бағытында 3 инвестициялық жоба іске асуда. Нәтижесінде 90 жұмыс орны құрылды. Ал, келесі жылы құны 26,2 млрд. теңге болатын 4 жобаны іске асыру жоспарда. Нәтижесінде 187 жұмыс орны құрылады.
Агенттік екі сауал жолдаған болатынбыз. Бірінші сауалымыз Атырау бағытына әуе байланыс қалай болып жатыр?
«Жоспарда әрине бар қазірдің өзінде Атырауда 13 тен астам авиамаршут бар оның ішінде көпшілігі ішкі. Оның ішінде бұл тек қана Таразбен ғана емес, Шымкентпен де бар, Ақтөбемен де бар, Маңғыстаумен бар, Орал енді Алматы Астана бар. Сондықтанда әрине Атыраудан басқада ішкі өңірлерді, ішкі авиа рейсті ашу бойынша жоспар бар бұл тек қана Скат әуе компания емес мен өзім Air Astana, FlyArystan басшылығымен кездескем. Бұнымен қатар Атырау әуежайының потенциалын мүмкіндігін әрі қарай пайдалану жөнінде ұсыныстарда бар оның ішінде мысалға Европаға немесе Азияға рейстер ашу бойынша сондықтан бұл жұмыстар әрі қарай жалғасады» деді Серік Жамбылұлы.
Атырау облысының жері «сор» ғалымдар фосфордың қалдықтары құнарландырады деген шешім айтқан болатын. «Қазфоссфаттың» қалдықтарын алып жерге төсеп тексеру жүргізесіздер ме деген сауал жолданған болатын.
«Енді мен түсінсем біздің территориямыздың көп бөлшегінде сорлы жерлермен құмайт жерлер болады. Сор жерлерге құнарландыру жөнінде өзінің ұсынысын беріп жатқан болса керек. Бұл жөнінде айта кету керек біздер бұл жөнінде бірнеше зерттеулер жүргізген болатынбыз Мұнай компаниясының мамандарын тарту менен сор жерлерді қалай жабамыз немесе қалай кәдеге жаратамыз деген сияқты. Қазіргі таңда ол әлі күнге дейін өз шешімін тапқан жоқ, себебі мамандардың ой пікірі әр түрлі. Сондықтан оны қанша жапқанменде тұзы бәрі бір бетіне шығады. Себебі сор жерлер қайтадан қалпына келеді. Сондықтан да осы бағытта жұмыстар жүргізіліп жатыр Казфосфатты қазір сізден естіп отырмын сол мамандарға ұсынайық қарасын, зерделесін одан кейін егер пайдаға жарайтын болса неге пайдаланбасқа оны әрине экономикалық тұрғыданда қарау керек болады» деп пікір білдірді Серік Шәпкенов.
Қазіргі таңда Атырау облысында үш ауысымды және апаттық мектептер мәселесі өзекті. Оны шешу жоспарына сәйкес, өңірде биыл 4200 орындық 3 мектеп пайдалануға берілді. Алдағы екі жылда 27 мектептің құрылысын аяқтаймыз деп жоспарлап отырмыз. Нәтижесінде өңіріміздегі 9 үш ауысымдық 4 апатты мектептің мәселесі түбегейлі шешіледі.
