Биылғы жылдың 11 мамырында мемлекеттік орман күзеті, орман шаруашылығы инспекциясы және Абай облысы Бесқарағай ауданының табиғат қорғау полициясымен бірлесіп, Морозов филиалының аумағында тіркелмеген құжаттар бойынша демалыс күндері ағашты заңсыз алып қоюды жүзеге асырған автотракторлық құралдарды ұстады. Материалдар құқық қорғау органдарына жолданды. Осы факті бойынша жалған құжат жасағаны үшін қылмыстық іс қозғалды.
27 маусымда ағашты ұқсас шарттар бойынша әкетуді жүзеге асырған жүк автокөлік құралы ұсталды, осы факті бойынша ҚР ҚК 188-бабында көзделген қылмыстық іс қозғалды.
Бұрын анықталған фактілердің нәтижесінде құқық қорғау органдары 9 шілдеде орманнан заңсыз ағаш алды деген күдікпен «Семей орманы» МОТР Морозов филиалының директоры және өндірістік учаскесінің шебері ұстады.
Қазіргі уақытта құқық қорғау органдары аталған адамдардың лауазымдық өкілеттіктерін теріс пайдалану, пара алу, мүлікті ысырап ету және жалған құжат жасау фактілері бойынша тексеріс жүргізілуде.
Қылмыстық іс шеңберінде толығырақ ақпарат жария етілмейді.
ҚР ЭТРМ Орман шаруашылығы және жануарлар дүниесі комитеті
