Қазақстан Республикасы Сыбайлас жемқорлыққа қарсы іс-қимыл агенттігінің Превенция қызметінің басшысы Саян Ахметжанов Жамбыл облысына жұмыс сапары аясында облыстағы сыбайлас жемқорлық тәуекелдері картасының түйткілді мәселелерімен танысып, Тараз қаласындағы қалалық фильтрациялық кен орындарын аралады.
Тараз қаласында 362,9 мың адам тұрады. Бүгінгі күнге, су бұру жүйелерімен 290,4 мың адам немесе 63,1% қамтамасыз етілген. Дегенмен, қалада сарқынды суларды тазарту құрылыстары жоқ. Сүзу алаңдарының жобалық қуаты тәулігіне 43 100 м3 құрайды, іс жүзінде тәулігіне шамамен 65 000 м3 сарқынды су келіп түсуде. Апатты жағдайларды болдырмау мақсатында қосымша алқаптар қазуға қосымша 20 га жер телімі бөлінді. Қазіргі уақытта құрылыс-монтаждау жұмыстары жүргізілуде.
КТҚ қаржыландыру бойынша бірыңғай тәсілді қалыптастыру мақсатында ҚР Үкіметі қаржыландыру тетіктерін, оның ішінде халықаралық қаржы ұйымдарының қаражатын тартуды пысықтауда.
Бүгінгі таңда, Астана қаласында кәріз-тазарту құрылыстарын салуда тәжірибесі бар, осы жобаны іске асыру бағытынан озық тұрған «Alarko», «Metito» компаниялары инвесторларының ұсыныстары қарастырылуда.
Тараз қаласының әкімі Бақытжан Орынбековтың айтуынша қазіргі уақытта, әкімдік Тараз қаласындағы кәріз-тазарту құрылыстарын жобалау, салу және қаржыландыру мәселелерін пысықтау үшін жұмыс тобын құрып, ТЭН-нің техникалық тапсырмасы әзірленіп, «Тұрғын үй коммуналдық-шаруашылығын жаңғырту мен дамытудың қазақстандық орталығы» АҚ-мен келісілген.
Өз кезегінде Саян Ахметжанов мәселенің өңір тұрғындары үшін өмірлік және экологиялық маңыздылығын ескере отырып, бұл мәселені шешуді жеделдету қажет деп санайды.
Осыған орай, жобаны жүзеге асыруда мұқият зерделеп, қолдау көрсету туралы шешім қабылданды.
