2026 жылғы 17 қазанда Сарысу ауданы әкімдігінің ішкі саясат бөлімінің тапсырысы бойынша «Жамбыл облысы жастар ұйымдарының қауымдастығы» ЗТБ ұйымдастыруымен ауданның 20 ардагеріне Түркістан қаласына туристік сапар ұйымдастырылды.
Сапардың мақсаты – ардагерлерге құрмет көрсету, олардың бос уақытын тиімді ұйымдастыру және Түркістан қаласының тарихи-мәдени орындарымен таныстыру.
Танымдық сапар барысында қатысушылар гидтің сүйемелдеуімен қаланың көрікті жерлерін аралап, тарихи орындар туралы мағлұмат алды. Сонымен қатар арнайы электрлі экскурсиялық көліктермен серуендеп, төрт туристік локацияны тамашалады.
Сапар аясында ардагерлерге түскі ас ұйымдастырылып, олардың жайлы демалысына жағдай жасалды. Қатысушылар тарихи мекендердің ерекшеліктерімен танысып, рухани әсерге бөленді.
Мұндай игі бастамалар аға буын өкілдеріне құрмет көрсетіп, олардың қоғамдық өмірге белсенді араласуына және рухани құндылықтарды дәріптеуге бағытталған.
Сапар ардагерлер үшін мазмұнды әрі тағылымды шара болды.
