Сарысу аудандық сотында «Жамбыл облысы әкімдігінің денсаулық сақтау басқармасы Сарысу аудандық орталық ауруханасы» шаруашылық жүргізу құқығындағы мемлекеттік коммуналдық кәсіпорнынан талап қоюшы азаматша «А». пайдасына 2 000 000 (екі миллион) теңге моральдық залал, 1 532 (бір мың бес жүз отыз екі) теңге сот шығындары, барлығы 2 001 532 (екі миллион бір мың бес жүз отыз екі) теңге өндіру туралы шешім шықты.
Оқиға 23 қаңтар 2022 жылы жасы кәмелетке толмаған «А» есімді азаматшаның «Ә» есімді кәмелет жасқа толмаған бала далада аяғы тайып құлап, оң аяғының тізесінің ашық жарақатымен сағат 17.29-да ауруханаға барған. Аурухананың дәрігері Досалиев науқас «Ә»есімді баланы қарап, жарақат орнын дұрыс тазаламай, жарақатты тігіп, таңып, үйіне қайтарған. Сол күні, үш сағаттан соң, яғни сағат 21.00 шамасында «Ә» есімді бала жарақатынан қан ағып, ол қайтадан ауруханаға жүгінген. Аурухананың дәрігері Садибеков науқастың аяғын қайта қарап, қан ағуды тоқтатып, таңып үйіне қайтарған. Аурухана дәрігерлері Досалиев пен Садибеков жасы кәмелетке толмаған «Ә» есімді науқасқа алғашқы медициналық көмекті тиісті дейңгейде көрсетпеуінің салдарынан жарақаты ісініп, іріңдеп, асқынып кеткен. Науқастың оң аяғының тізе тұсында бөгде заттың қалып кеткені анықталып, оны алып тастау үшін хирургиялық ота жасату қажет. Науқастың анасы сотқа келтірген талабында аурухана дәрігерлері баласына сапасыз медициналық көрсеткенін, салдарынан оның баласы денсаулығына зиян келтіргендері үшін жауапкерден 30 000 000 теңге моральдық зиян өндіруді сұранған. Жамбыл облысы әкімдігінің денсаулық сақтау басқармасы Сарысу аудандық орталық ауруханасы өкілі Суюндыкова талапты мойындамай, қанағаттандырудан бас тартуды сұрады.
24 маусым 2022 жылғы Алматы қаласы Денсаулық сақтау басқармасының шаруашылық жүргізу құқығындағы «Балалар шұғыл медицина көмек көрсету орталығы» МКК-ның (ары қарай мәтін бойынша – Орталық) сәулелі диагности бөлімінің магнитті-резонансты томографияның қорытындысына сәйкес баланың оң аяғының тізе буындарында көлемі 1,0 мм-ден 9,5 мм-ге дейін, домалақ пішінді бөгде зат анықталған. Орталықтың дәрігердің 24 маусым 2022 жылы берген жолдамасына сай балаға шұғыл емделуге жолданған.
Яғни, жасы кәмелетке толмаған баланың көрсетілген сапасыз медициналық көмектің салдарынан, оң аяғының тізе тұсында бөгде зат қалып кетіп, оны алып тастау үшін хирургиялық ота жасату қажет.
Осыған орай, Жамбыл облысы Сарысу аудандық сотының судьясы Үркімбаев талап қоюшы азаматша «А» талап арызын ішінара қанағаттандырып, пайдасына 2 000 000 (екі миллион) теңге моральдық залал өтем беруге шешім шығарылды.
