iPhone 18 Pro бағасы 1400 доллар болуы мүмкін – бұл iPhone 17 Pro-дан 300 долларға қымбат, ал iPhone 18 Pro Max құны 1500 доллардан басталуы ықтимал, деп хабарлайды Tengri Lifeтілшісі ixbt.com сайтына сілтеме жасап.
iPhone 18 Pro сериясының болашақ смартфондары жад, камера және басқа да негізгі компоненттер құнының өсуіне байланысты айтарлықтай қымбаттауы мүмкін. The Wall Street Journal және TechInsights бағалауынша, Apple бағаны көтеру мәселесін қарастырып жатыр, ал бастапқы баға қазіргі iPhone 17 Pro үшін белгіленген 1100 доллардың орнына 1300–1400 долларға дейін көтерілуі мүмкін.
Естеріңізге сала кетейік, Apple бас директоры Тим Кук бұған дейін жад компоненттері құнының өсуіне байланысты компания өз құрылғыларының бағасын көтеретінін және бұл қадамның болмай қоймайтынын мәлімдеген еді.
