Жұманғариннің айтуынша, бүгінде кәсіпорындардың 4 пайызы ғана ҚҚС төлейді.
«Көптеген компаниялар салық салудан қашу үшін бизнесін жасанды түрде бөліп тастады. Бұл салық жүйесіне нұқсан келтіріп, ҚҚС-ты қалыпты есептеуге ыңғай келтірмей отыр. Сондықтан тіркеу шегін 80 миллион теңгеден 15 миллион теңгеге дейін төмендету ұсынылып отыр», — деді Жұманғарин үкімет отырысында.
Ол ұсақтау құны ұсақтаудан түсетін пайдадан асып түсетіндей жағдай жасалып жатқанын да қосты.
«Бұл бизнеске тең жағдай жасайды және жалтару схемаларының алдын алады. Бұл мәселеде біз халықаралық тәжірибені басшылыққа аламыз. Экономикасы дамыған және дамушы елдердің көпшілігінде ҚҚС шегі не айтарлықтай төмен, не мүлде жоқ. Мысалы, Канада, Корея, Скандинавия елдерінде, бірқатар Шығыс Еуропа елдерінде және жақын көршілеріміз, Ресей, Өзбекстан, Қырғызстанға қарағанда төмен», — деді ол.
