«Экстремизм» термині – аударма мағынасында шектен тыс көзқарастар мен әрекеттерді ұстану, қоғамдағы тәртіп пен нормаларды жоққа шығару ретінде анықталады. Ал терроризмнің басты белгілері «зорлық-зомбылық», «үрей туғызушылық», «кінәсіз адамдарға кесірін тигізу». Экстремизмге қарсы күрестің негізгі жолы – олар туралы өз уақытында шынайы мәлімет беру. Бұл орайда ақпарат құралдарының рөлі ерекше болғандықтан, секталардың, экстремистік топтардың қауіптілігі туралы жастарды көбірек хабардар етіп отыру керек. Террорлық жолға түскен адамдардың мұсылман болып қалуы неғайбыл. Себебі дінде адам өлтіру арқылы ізгі мақсатқа жету туралы ұғым мүлде жоқ. Жас ұрпаққа рухани тәрбие беріп, діни сауатын ашу үшін барлық жағдай жасалды дей алмаймыз. Бүгінде жағдай әбден ушыққанда ғана жедел шаралар қолға алынады. Бала тәрбиесі баршамызға ортақ. Осы орайда, адасқан жастар неліктен адамзаттық құндылыққа қарсы шығады? Өз ұлтын өзі жау көріп, «жанды бомба» болып жарылуын қалай түсінеміз? Бұл сауалдардың жауабы — тәрбиеде кемшін кеткен тұстар бар. Діни сауаты жоқ, рухани тәрбиеден жұрдай осындай жандарды әлдебіреулер жолдан тайдыру арқылы санасын роботқа айналдырып, өз мақсатына қолдануда. Тіпті оларды көндіру үшін түрлі дәрі-дәрмектер мен психотроптық заттардың көмегімен арандату жағдайлары да жиі кездеседі. Бұл мәселедегі басты бағыт – ол адамға ненің дұрыс, ненің бұрыстығын үйрету. Ислам діні өзімшілдікке жол бермейді, соғыс пен қантөгіске шектеу қояды. Құран қағидалары қақтығыстың алдын алып, ұрыс-жанжалды харам еткен. Ислам дінінде жазықсыз адамның өмірін қию – үлкен күнә, ауыр қылмыс болып саналады. Ислам террорға, зорлық зомбылыққа, бейбіт жандарға күш қолдануға қарсы. Өкінішке орай соңғы уақытта әлемнің түкпір-түкпірінде ислам атымен сан мыңдаған адамдардың қаны төгіліп жатады. Осындай жағдайлар болмас үшін ауыл тұрғындарымен түрлі форматтағы кездесулер, семинарлар өткізіп тұру бұл қауіпті кеселдің алдын алуға кішкентай да болса өз септігін тигізетіні анық.
Осы орайда Шу ауданы, Балуан Шолақ ауылының тұрғындары мен мектеп мұғалімдеріне семинар өтті. Ағымдағы жылдың 28 қыркүйегінде Жамбыл облысы әкімдігі «Дін проблемаларын зерттеу орталығы» КММ-нің жоспарлау және ұйымдастыру бөлімінің инспекторы А.Құлымбетов Балуан Шолақ ауылының аппаратында ауыл тұрғындары мен мектеп мұғалімдеріне «Ауыл тұрғындары арасында діни экстремизм мен терроризмнің алдын алу» тақырыбында семинар болды. Семинар барысында елімізде соттың шешімімен тыйым салынған экстремистік ұйымдартуралы толық ақпарат берілді. Дәстүрлі емес діни ағымдар адам санасын қалай улайтыны және осы арбауға түспеу жолдары туралы тереңінен түсіндірілді. Іс-шара шеңберінде тыңдаушыларға: дін саласындағы мемлекеттік саясат, әр-түрлі санаттағы тұрғындардың арасында ақпараттық жұмыс жүргізу нысандарын жетілдіру, діни экстремизм және терроризмнің алдын алу,толеранттылық және конфессияаралық келісімнің дамуындағы өзекті мәселелерреті назарға алынды. Іс-шара барысында пікірлер алмасылды. Соңында қатысушылар тарапынан қойылған сұрақтарға толықтай жауаптар берілді.Сонымен қатар осы жылдың 29 қыркүйегінде Жамбыл облысы әкімдігі «Дін проблемаларын зерттеу орталығы» КММ-нің жоспарлау және ұйымдастыру бөлімінің инспекторы А.Құлымбетов Шу қаласы, Абай мектебі мұғалімдері мен тұрғындарына «Діни экстремизм мен терроризмнің алдын алу жолдары» тақырыбында конференция ұйымдастырды. Конференция барысында елімізде соттың шешімімен тыйым салынған экстремистік ұйымдар туралы толық ақпарат берілді. Дәстүрлі емес діни ағымдар адам санасын қалай улайтыны және осы арбауға түспеу жолдары туралы тереңінен түсіндірілді. Конференция шеңберінде тыңдаушыларға: дін саласындағы мемлекеттік саясат, әр-түрлі санаттағы тұрғындардың арасында ақпараттық жұмыс жүргізу нысандарын жетілдіру, діни экстремизм және терроризмнің алдын алу, толеранттылық және конфессияаралық келісімнің дамуындағы өзекті мәселелер реті назарға алынды. Конференция барысында пікірлер алмасылды. Соңында қатысушылар тарапынан қойылған сұрақтарға
толықтай жауаптар берілді. Сондай-ақ осы тақылеттес жиындар Шу ауданы, Алға ауылының мектеп мұғалімдері мен жоғары сынып оқушыларына, Бәйдібек ауылының тұрғындары мен мектеп мұғалімдеріне семинар, Төле би ауылының тұрғындары мен мектеп мұғалімдеріне кездесу, Жаңа қоғам ауылының тұрғындары мен мектеп мұғалімдеріне дөңгелек үстел, Бірлік ауылының мектеп оқушылары мен мұғалімдеріне дөңгелек үстел түрінде өтіп, дін туралы өзекті мәселелер көтеріліп, талқыланды.
turaninfo.kz/rus
