«Рухани жаңғыру – отбасынан басталады!» тақырыбындағы облыстық ата-аналар форумы өтті
2017 жылдың 16 қарашасында Жамбыл облысы әкімдігінің білім басқармасының ұйымдастыруымен Рухани жаңғыру–отбасынан басталады!» тақырыбында ата-аналар форумы өтті.
Форумның мақсаты-мектеп пен ата-аналар қауымдастығы арасындағы байланысты нығайту, ата-аналардың бала тәрбиесіндегі жауапкершілігін және белсенділігін арттыру.
Аталған іс-шараға Аудандық және Тараз қалалық білім бөлімдерінің мамандары, ата-аналар комитеттерінің өкілдері барлығы 250 адам қатысты.
Сондай-ақ, баяндамашы ретінде Қазақстан Республикалық телерадио корпарациясы акционерлік қоғамы Жамбыл облыстық филиалының директоры М.Төлепберген, Тараз мемлекеттік педагогикалық университетінің қазақ филология кафедрасының доценті, филология ғылымдарының кандидаты С.Исматова, «Ел ана» кеңесінің төрайымы Л. Ахметова, Қазақстан Республикасының мемлекеттік сыйлығының иегері, өнер және мәдениет қайраткері Н. Салықова, облыстық ардагерлер кеңесінің төрағасы Е.Солтыбаев, Тараз қаласы №1 гимназиясының ата-аналар комитетінің төрайымы Ә.Қайназарова, Тараз қаласының №16 орта мектебінің құқықтық тәрбие жөніндегі директордың орынбасары М.Букина, Тараз қаласы №45 гимназиясының ата-аналар комитетінің төрайымы Ж.Медеуов қатысты.
Іс-шара барысында баяндамашылар отбасының бала тәрбиесіндегі рөлі, бүгінгі жастардың тәрбиесі, сондай-ақ ұлттық тәрбиенің мәні және қазіргі қоғамда жастарға сапалы, саналы тәрбие беру үшін рухани жаңғырудың маңыздылығы туралы айтты.
Форумның қорытындысы бойынша ата-аналарға арналған үндеу қабылданды.
TURANINFO.KZ
