Жалпы өткен тәулік ішінде Жамбыл облысының өрт сөндіруші- құтқарушылары өрт оқиғасына 5 рет, қи-қоқыстың жануы бойынша шақыртуларға – 2 рет, есік ашу жұмыстарына 2 рет шықты.
2020 жылдың 9 қарашасында Жуалы ауданы, Б.Момышұлы ауылы, жеке тұрғынүйде өрт оқиғасы орны алған. От жауынгенрлерімен жүргізілген барлау жұмыстарынан соң пеш қуырының қаптауларының өртенгендігі анықталған. Өрт сөндірушілер өртті небәрі 16 минутта сөндіріп, үйді және үй мүліктерін
өрттен аман сақтап қалған.
Сондай-ақ дәл осы күні Тараз қаласы, Қонаев көшесіндегі көпқабатты пәтрдің ас бөлмесінде өрт оқиғасы орын алған. Өрт салдарынан ас бөлмесіндегі тұрмыстық заттары және кіре беріс бөлмелері зақымдалған. Оқиға орнына өрт сөндіру бөлімшелерінен 14 адам жеке құрам және 4 дана техника жұмылдырылып, 27 минутта өрт сөндірілген. Құтқарушылар оқиға орнынан 12 адамды қауіпсіз орынға көшірген, оның ішінде 2-уі балалар болатын.
Қазіргі уақытта азаматтық қорғау қызметкерлерімен өрттің шығу себебі мен келтірілген материалдық шығыны анықталуда.
Жамбыл облысы ТЖ департаментінің өрт сөндіру қызметі тұрғындарға үйден шығарда электр құралдарын ток көзінен ажыратып, балалардың отпен ойнауына жол бермей, өрт қауіпсіздігі ережелерін сақтауды сұрайды.
Есте сақтаңыздар!
Өртті сөндіргеннен алдын алған оңай екендігін естен шығармайық!
