Нағыз өрт сөндіруші болу үшін, адам жоғары психологиялық тұрақтылыққа ие болуы қажет. Жалпы физикалық тұрғыдан мықты және өз мамандығын ерекше жақсы көруі керек. Ал одан өзге дағдылар тәжірибе мен оқу арқылы келеді. Азаматтық қорғау органдарының 25 жылдық мерейтойы қарсаңында біз сіздерге Тараз қаласының өрт сөндіру бөлімдерінің бірінің өрт сөндірушісі туралы әңгімелеп бергенді жөн көріп отырмыз. Жамбыл облысы ТЖД Өрт сөндіру және авариялық-құтқару жұмыстары қызметінің Тараз қаласы №2 Мамандандырылған өрт сөндіру бөлімінің аға өрт сөндіруші-құтқарушысы, азаматтық қорғау сержанты Оспан Ануарбекович Сейлханов 1995 жылдың 3 қазанында Жамбыл облысы, Жамбыл ауданы, Қызылтаң ауылында дүниеге келген. Оспан Ануарбекович азаматтық қорғау органдарында 2016 жылдың желтоқсан айынан, ал атқарып отырған лауазымында 2020 жылдың мамыр айынан бастап жұмыс істейді. Қызмет барысында ол өзін еңбекқор, ұқыпты қызметкер ретінде көрсетті. Ол әрқашан өзіне жүктелген міндеттерді адал және уақтылы орындауға тырысады.
Сонымен қатар, түрлі сипаттағы өрттер мен төтенше
жағдайларды жою барысында азаматтық қорғау сержанты О.Сейлханов бірнеше рет өзінің кәсіби шеберлігін көрсетті. Мысал үшін осындай бірді-екілі ощиғаларға тоқтала кетсек. Оспан 2019 жылғы 2 желтоқсанда болған өрт оқиғасына белсене қатысады. Бұл күні сағат 01.01-де күштер мен құралдарды жедел басқару орталығына хабарлама келіп түскен. Бақсақ бақа екен демекші бұлардың түскен қоңыраудан аңғарғаны Тараз қаласы, Сәтпаев көшесіндегі "Эврика" дүкені өртке оранған болып шығады. Іле-шала оқиға орнына барлық қажетті күштер мен құралдар жедел жөнелтілген. Барлау нәтижесінде 02 сағат 05 минутта №3 шақырту жарияланды. Өртті сөндіру жұмыстары төбе жабындарының
құлауымен және қайталама жану факторларының (қатты түтіндеу, жану ошақтарындағы жоғары температура) қатты әсер етуімен қиындай түскен. Сағат 02: 45-те өрт 1187 ш.м. алаңда ауыздықталды, сағат 03: 31-де өрт 1187 ш. м. алаңда жойылды. Өртті жоюға барлығы Жамбыл облысы ТЖД жеке құрамының 84 адамы және 19 бірлік техникасы жұмылдырылады. Оспан мұнан өзге де түрлі сипаттағы төтенше жағдайлардың бел ортасында жүріп, талай рет лапылдаған өрттің ортасына кеудесін тосқа жағдайлары жиі ұшырассады. Ккей кездері толарсақтан су кешсе, енді бірде көзді аштырмай, қарға адым жерді бастырмайтын қарлы боранмен арпалысқа түсіп, нәтижесінде жүздеген адам өмірлерін аман алып қалу жолында аянбай тер төгіп келеді.
Қызметте және түрлі сипаттағы спорттық және қоғамдық шараларда Оспан өзінің жеке уақытымен санаспай, әрқашан ұжымдастардың алды болып, әрдайым белсенді атсалысады. Осылайша ол өзінің адал атақаратын игі істерімен өзгелерге әрдайым үлгі болып келеді. Біз оған өрт күзетінде көз
ілмей, қызметіңді одан әрі жалғастырып, халық алғысына бөлене бер дегіміз келеді.
Жамбыл облысы ТЖД авариялық-құтқару жұмыстары өрт сөндіру қызметінің Ішкі және сыртқы коммуникациялар тобы
