Мән-жай
Ақсу қаласының прокуратурасы жергілікті бюджеттен қаржыландырылатын пансионаттардың бірінен қарттарға қатыгездік көрсету деректерін анықтады.
Мекемеде түсірілген бейнежазбаларды зерттеу барысында қорқынышты жайттар ашылған: пансионат қызметкерлері екі дәрменсізді ұзақ уақыт бойы қорлап, зорлық-зомбылық көрсеткен.
«Жәбірленушілердің бірінің жасы 84-те. Оларды үнемі ұрып-соғып, қолдарын бұрап, қыстың суығында сырт киімсіз аулада ұстаған», — деп жазылған хабарламада.
Бұл дерекке қатысты Ақсу қаласының прокуратурасы ҚР ҚК 110-бабының 2-бөлігі бойынша соталды тергеп-тексеруді бастады.
Кінәлі адамдар анықталған.
Бұған дейінгі оқиға
Еске салайық, бұған дейін де Павлодарда қарт адамдарды азаптаумен және алаяқтық әрекеттермен айналысқан қылмыстық топ әшкере болды.
Пансионат қызметкерлері 20 зейнеткердің құқығын өрескел бұзған (тамақ ішуіне, жүріп-тұруына шектеу қойған, ұрып-соққан) және ұзақ уақыт бойы қайтыс болған адамдардың пәтерлерін жалға беріп келген.
