«Партиялық емес бақылау орталығы» Республикалық қоғамдық бірлестігі алдында Қазақстанда өткізілген сайлауда өз жұмысын бастап ары қарай жалғастыруда, оның қызметі, бірінші кезекте, сайлауды, оның ішінде сайлау учаскелерінде байқау мен мониторинг жүргізу арқылы сайлау процесіне жүйелі түрде қатысуға бағытталған.
Осы ұйымның Жамбыл облысының филиалы республикалық деңгейдегі сайлау кезеңінде саяси, экономикалық, әлеуметтік және мәдени құқықтар мен бостандықтарды іске асыруға және қорғауға өз ниетін білдіреді. «Партиялық емес бақылау орталығы» Республикалық қоғамдық бірлестігінің Жамбыл облысы филиалының жетекшісі Асқар Қадырқұлов хабарлағандай, ұйым алдағы аудандық маңызы бар қалалардың, ауылдардың, кенттердің, ауылдық округтердің әкімдерінің сайлауына белсенді түрде қатысады.
Бұл жылы шілде айында облыстың 89 сайлау учаскесінде, ал кейінгі айларда 9 учаскеде сайлау өткізіледі, бұған «Партиялық емес бақылау орталығынан» 194 байқаушы қатысады. Қазіргі уақытта Орталық өзінің байқаушылары үшін бірқатар оқыту семинарлар мен тренингтер өткізуде.
«Аудандық маңызы бар қалалардың, ауылдардың, кенттердің, ауылдық округ әкімдерінің төте сайлауы – бұл Қазақстан Республикасының демократизациялау процесіндегі жаңа қадам. Қазақстанның Конституциясында белгіленген демократиялық қағидалар біздің елде ары қарайда жүзеге асырыла береді. Болашақта аудан және облыс әкімдерін сайлауын ұйымдастыру жоспарлануда.
Сайлау кезіңде ең бастысы – оны өткізу барысында сайлау процесінің заңдылығы мен ашықтығын сақтау, ол үшін бізде сайлауды бақылау саласында үлкен тәжірибесі бар топ құрылды. Біздің қоғамдық бірлесітіктің атынан қатысатын тәуелсіз байқаушылар сайлаудың адал және әділ өтуіне өз үлесін қосады деп сенемін», — атап өтті Асқар Қадырқұлов.
Естеріңізге сала кетейік, 25 шілдеде Қазақстан бойынша бір мезгілде 700-ден астам ауыл әкімдерін сайлауы өтеді. Аудандық маңызы бар қалалардың, ауылдардың, кенттердің, ауылдық округтердің қалған әкімдерін сайлау олардың өкілеттік мерзімі аяқталғаннан кейін өткізіледі.
Брифингтің өту мерзімі мен орны: 19 шілде, сағ. 15.00, Тараз қ., Сулейменов көшесі 7, «Партиялық емес бақылау орталығы» РҚБ Жамбыл облысы филиалының штабы. Байланыс үшін телефон: 87082113464
Спикер: Қадырқұлов Асқар Жақсылықұлы – филиалдың жетекшісі.
