Сыбайлас жемқорлық көріністеріне жол бергені үшін Жергілікті полиция қызметінің бастығы Серік Әлдибеков және облыстық Полиция департаменті бастығының орынбасары Ербол Тайбеков тәртіптік шарамен атқаратын лауазымдарынан босатылды деп хабарлайды TURANINFO.KZ ақпарат агенттігі Қазақстан Республикасы ІІМ-нің баспасөз қызметіне сілтеме жасап.
TURANINFO.KZ ақпарат агенттігі Қазақстан Республикасы ІІМ-нің баспасөз қызметінен “полиция бастықтары қызметтерінен босатылды” деген әлеуметтік желі де таралған ақпаратты туралы сұрау хат жолданған болатын
“Ішкі істер министрлігі полицияның сервистік моделіне көшу шеңберінде тәртіп пен заңдылықты сақтау мәселесін өз қатарында қатаң қояды. Осы мақсатта сыбайлас жемқорлық көріністеріне жол бермеу бойынша шаралар кешені қабылданды және іске асырылуда.
Жыл басынан бері «Integrity Check» пилоттық жобасы жүзеге асырылуда, яғни полицейлердің парасаттылығы мен тұрақтылығын өз күшімізбен тексеру.
Осы іс-шараларды іске асыру барысында Жамбыл облысындағы патрульдік полиция бөлімшесінің кейбір қызметкерлерінің пара алу фактісі анықталды.
Министрдің бұйрығымен сыбайлас жемқорлық көріністеріне жол бергені үшін Жергілікті полиция қызметінің бастығы және облыстық Полиция департаменті бастығының орынбасары тәртіптік шарамен атқаратын лауазымдарынан босатылды.
Полиция департаментінің бастығына сөгіс, ал оның кадрлық және тәрбие жұмысына жетекшілік ететін орынбасарына қатаң сөгіс жарияланды.
Министрлік басшылығы өз қатарындағы барлық бұзушылықтарға жедел әрекет ету ұстанымын берік ұстанады.
Лауазымдары мен жоғары атақтарына қарамастан, «намысты жоғалтқан» кінәлілердің ешқайсысы жауапкершіліктен босатылмайды” деген жауап келді.
