Жамбыл облысының қылмыстық істер жөніндегі мамандандырылған ауданаралық сотымен
Руслан Сампарбаевқа қатысты жаппай тәртіпсіздікке қатысқаны (ҚК-тің 272б. 2б.), ұрлық жасағаны үшін (ҚК-тің 188б. 4б. 3т.);
Айдос Минимтаевқа қатысты жаппай тәртіпсіздікке қатысқаны және (ҚК-тің 272б. 2б.) бөтеннің мүлкін тонағаны үшін (ҚК-тің 191б. 2б. 1,3т.), жаппай тәртіпсіздікке қатысқаны үшін (ҚК-тің 272б. 2б.), қарақшылық жасағаны үшін (ҚК-тің 192б.4б. 2т.), Қазақстан Республикасының Мемлекеттiк шекарасын қасақана заңсыз кесіп өткені үшін (ҚК-тің 392б. 1б.);
Махсат Ауеловқа қатысты жаппай тәртіпсіздікке қатысқаны үшін (ҚК-тің 272б. 2б.), адам өлтіргені үшін (ҚК-тің 99б. 2б. 6,11,15т.), екі немесе одан да көп адамды өлтіруге оқталғаны үшін (ҚК-тің 24б. 3б. – 99б. 2б. 1,6,11,15т.) қылмыстық іс қаралды.
СОТ ШЕШІМІ
Сампарбаев Руслан кінәсін ішінара мойындап, 6 (алты) жылға бас бостандығынан айыру түріндегі жазасы;
Айдос Минимтаев кінәсін мойындамады, 11 (он бір) жылға бас бостандығынан айыру түріндегі жазасы;
Ауелов Махсат кінәсін мойындамады, 18 (он сегіз) жылға бас бостандығынан айыру түріндегі жазасы тағайындалды.
Еске салайық, 2020 жылдың 7-8 ақпаны аралығында Жамбыл облысы, Қордай ауданы Масаншы, Бұлар батыр және Ауқатты ауылдарының аумағында атыс қаруын, жарылғыш заттарды қолдану, сондай-ақ билік өкілдеріне қарулы қарсылық көрсету арқылы зорлық-зомбылық, қирату, өртеу, дүние мүлікті жоюмен ұласқан жаппай тәртіпсіздік орын алды.
Жаппай тәртіпсіздіктердің басталуына жоғарыда аталған ауылдардың әр түрлі ұлт тұрғындарының арасында туындаған тұрмыстық жайлар негіз болған.
Жаппай тәртіпсіздіктің нәтижесінде, 2020 жылғы 7-8 ақпан аралығындағы түнде Масаншы, Бұлар батыр және Ауқатты ауылдарында орын алған жаппай тәртіпсіздік кезінде, 10 адам қаза тапты, 140 азаматтық тұлға мен 20 құқық қорғау органының қызметкерлері дене жарақаттарын алды, 99 жылжымайтын нысан қиратылды, 65 үй өртелді, 48 қозғалатын нысан қиратылды және 65 автокөлік өртелді.
Естеріңізге сала кетейік, бұған дейін 27.04.2021 жылғы Жамбыл облысының қылмыстық істер жөніндегі мамандандырылған ауданаралық сотының үкімімен Қордай ауданындағы жаппай тәртіпсіздіктерге қатысқан және басқа да қылмыстар жасаған 50-ден астам адам сотталған болатын.
