Облыстан «ЭКСПО-2017» ХМК 100 000 адам қатысады

Облыстан «ЭКСПО-2017» халықаралық мамандандырылған көрмесіне 100 000 адам қатысады деп жоспарланып, бұл бағытта көрмені насихаттау, жарнамалау, көрме билеттерін сатып алу, жолаушыларды тасымалмен қамтамасыз ету, оларды Астана қаласында орналастыру бойынша жұмыстар атқарылуда.
Ағымдағы жылдың 1 маусымынан бастап «Тараз-Астана-Тараз» бағыты бойынша қосымша жолаушылар пойызы, оған қоса облыс бекеттері арқылы өтіп жатқан пойыздарға қосымша 3 тіркеме вагондар қосылды.
«Тараз-Астана» авиарейсі бойынша аптасына 10 ұшақ Астана қаласына қатынауда («СКАТ» авиакомпаниясы 180 орындық 7 рейс, «АirАстана» авиакомпаниясы 97 орындық 3 рейс).
Авто тасымалы бойынша «Dim Dimich & Company» (50 орынды қалааралық 35 автобустары бар) және «Профсоюз турист» ЖШС-терінің (50 орындық 3 автобус бар) айналысады.
Сатылған билеттерің саны 77 330, оның ішінде 11 535 билет соғыс ардагерлері мен барлық топтағы мүгедектерге арналған жеңілдікті билеттері.
Бүгінгі күнге 10 607 облыс тұрғындары ЭКСПО көрмесін қызықтап қайтты.
Бүгінгі күнге дейін туристік бағдарламаларды таныстыру мен ЭКСПО көрмесіне турпакеттерді сатып алу шарттарын түсіндіру бойынша ірі кәсіпорындар мен облыс аудандарына іс-сапарлар ұйымдастырылды.
ЭКСПО-ны өткізу кезеңінде Астанадағы апартаменттер, қонақ үйлер, хостелдермен облыс тұрғындарын қабылдау бойынша келісім шарттарға қол қойылған («Baiterek Travel Center» ЖШС, «Кочевник» ЖШС).
Көрмеге 6 222 оқушы-балалар қатысады, бұл орайда 241 млн. 873 мың теңге жергілікті бюджеттен бөлінді. ЭКСПО көрмесі іс-шараларының жоғары дәрежеде өтуіне атсалысу мақсатында облыстан 150 еріктілер дайындалды. Сондай-ақ, теміржол көлігі арқылы Астана қаласына жетуі мен кері қайтуына қажетті 3 млн. 600 мың теңге бөлінді. Олар 2017 жылдың 6 тамызынан 12 қыркүйегіне дейін Астана қаласында болады.
Облыс аумағында «ЭКСПО-2017» Халықаралық мамандандырылған көрмесін ілгерілету бойынша Тараз қаласы мен аудандар орталықтарында, қоғамдық орындарында сыртқы ақпараттық көрнекі құралдар орналастырылды. Жалпы, облыс бойынша 117 билборд, 4 брандмауэр, 26 лайтбокс орналастырылған және 3 үлкен және 10 кішкентай қалалық LED-экранда «Астана ЭКСПО-2017» ҰК» АҚ –ның 3 бейнероликтері күніне 50 рет кезеңділікпен көрсетілуде. Жыл басынан бері жергілікті мерзімді басылымдардың «ЭКСПО-2017» айдарымен арнайы бекітілген логотиппен 252 материал топтамалары жариялануда. Облыстық «Қазақстан-Тараз» телеарнасынан 117 астам сюжет көрсетілді. Тараз қаласы мен аудандар орталықтарында, қоғамдық орындарында, темір жолдар мен автобекеттерде көрме туралы 80 плакат және 200 постер сыртқы ақпараттық көрнекі құралдар орналастырылды. Мемлекеттік тапсырыс негізінде облыстық «Қазақстан – Тараз» телеарнасында аптаның жұмыс күндері аптасына 3 рет 2 бейнеролик көрсетіледі.
ЭКСПО-2017 халықаралық көрмесіне келген қонақтарды қабылдау бойынша жұмыстар атқарылуда. Естелік сыйлықтар, сувенирлер, буклеттер, деректі фильмдер дайындалып, мұражайларға және тарихи нысандарға экскурсиялар ұсынылып отыр.
Бүгінгі таңда «Астана ЭКСПО-2017» халықаралық мамандандырылған көрмесінің өту кезеңінде Жамбыл облысына жүз мыңнан аса турист келген.
Көрме аясында шетелдік туристер мен қонақтарға облыстың арнайы туристік бағытына кірген бірегей тарихи-мәдени объектілерге бару ұсынылып отыр. Біздің облысты ғана емес және жақын аймақтарды қамтитын арнайы туристік бағыттар әзірленді. Болашақта, Ұлы Жібек жолын қайта жаңғырту бойынша бұл бағыттарды көршілес Қырғызстан мен Қытай мемлекеттерімен байланыстыру жоспарланып отыр. Үздік бағыттар «ЭКСПО-2017″ҰК»АҚ-на жіберілді.
Облыстың 31 туристік нысаны кіретін 8 туристік бағыт әзірленді. Аталған нысандарға мемлекеттік, орыс және ағылшын тілдерінде ақпараттық тақтайшалар мен жол сілтемелер дайындалып, орналастырылды.
Сонымен қатар, көрме кезінде өткізілетін облыстық іс-шаралар жоспары өңделді. Жоспарға сәйкес шілде, тамыз айларында біршама ірі туристік іс-шаралар ұйымдастырылатын болады. Мысалы: «Silk Way» туры, «Астана – менің Отанымның Елордасы» жобасы бойынша оқушыларды Астана қаласына жіберу, халықаралық туристік инвестициялық форумы, Қытай туроператорларына арналған ақпараттық тур.