Тараз қаласында оқушыларға қолайлы жағдай жасалған жаңа үлгідегі «Жайлы мектеп» өз есігін айқара ашты. «Ұлы Дала» шағын ауданында салынған №69 мектеп оқушыларға қолайлы жағдайлармен қамтамасыз етілген. 2000 оқушыға арналған бұл білім ордасының салтанатты ашылуына аймақ басшысы қатысып, мектептің лентасын қиып, кілтін табыстады.
Бұл білім ордасы заманауи инфрақұрылыммен жабдықталып, оқушыларға сапалы білім алуға барлық мүмкіндік қарастырылған. Кең әрі жарық сыныптар, жаңа технологиялық құралдар, ыңғайлы жиһаз – барлығы балалардың жайлы білім алуына бағытталған.
Жаңа мектептің ашылуы – өңірдегі білім саласын дамыту жолындағы маңызды қадам. Оқушыларға шығармашылық және интеллектуалдық қабілеттерін шыңдауға арналған арнайы кабинеттер мен зертханалар да қарастырылған. Жергілікті тұрғындар үшін бұл – балалардың болашағына жасалған зор мүмкіндік.
