Басқосуда қоғамдық бақылаудың негізгі міндеттері, комиссия жұмысының жоспары мен ұйымдастырылуы, сондай-ақ қажет жағдайда арнайы комитеттер құру мәселелері күн тәртібіне қойылды.
Комиссия төрағасы Мейірхан Сатыбалдин алда тұрған жұмыстар мен олардың заң аясында жүзеге асырылу жолдары туралы кеңінен айтып берді. Ол атқарылатын шаралардың нақты бағыттары мен ұйымдастыру тетіктеріне тоқталып өтті.
Жиын барысында комиссия мүшелері өз құзыреті шеңберінде азаматтардың құқықтары мен бостандықтарына қатысты заң жобаларын әзірлеу және талқылауға араласу, қоғамдық мәні бар мәселелер бойынша жеке және заңды тұлғалардан келіп түскен өтініштерді қарау, сондай-ақ қоғамдық бақылау түрлерін талқылау бойынша белсенді пікір алмасты.
Отырысқа қатысқан Қоғамдық кеңес төрағасы Дүйсеналы Бықыбаев қоғамдық бақылауды «Қоғамдық кеңестер туралы» Қазақстан Республикасы Заңына сәйкес жүзеге асырудың тетіктеріне тоқталып, жергілікті билік органдарының қызметін зерделеу үшін комитеттер құру қажеттілігі жайында айтты.
Комиссия мүшелері Ж. Омаров, М. Абдраимов, Б. Кеңесбек және Қ. Өскембекова күн тәртібіндегі мәселелерді талқылауға белсене қатысып, комиссияның болашақ жұмыс жоспарына нақты ұсыныстарын білдірді.
Ақпарат Жамбыл облысы әкімдігі ақпарат және қоғамдық даму басқармасының мемлекеттік ақпараттық тапсырысы негізінде жарияланды
