Тараз қаласы «Астана» мөлтек ауданындағы №8 үйі тұрғындары Жамбыл облысы әкімі Нұржан Нұржігітов пен Тараз қаласы әкімі Ержан Жылқыбаевқа арызданса да ешқандай нәтиже жоқ деп қынжылады. Тұрғындардың атынан Үрзада Тәжібаева шықты.
Оның айтуынша, жазылған арыздар қайта айналып мердігер компания «АрайСтройМаркет 2003» «жоба сәйкес» жасалуда деп келіп жатыр.
Тараз қаласы «Астана» мөлтек ауданындағы №8 үй 2005 жылдың 25 сәуірінде берілген. Тұрғын үйде 65 пәтер бар.
Бүгінгі таңда 17 жыл ішінде 300-ден аса тұрғыны бар осы пәтерлердің 75-80%-ы жекешелендірілген. Биыл 5сәуірде №8 үйге көршілес орналасқан 9 қабатты тұрғын үй мен коммерциялық үй-жайлар соғылды.
«Мердігер компания «АрайСтройМаркет 2002» басшысы, Жамбыл облыстық мәслихат депутаты Арман Еділбаев , біздің үйдің артына жарық жүйесінің электр 2022 жылы қосалқы станциясын орнатты. Оның үстіне, 26 мамыр күні рұқсатсыз №8 үйдің подъезд алдын қопарып канализация қақпағын ашып, 9 қабатты тұрғын үйдің канализация жүйесін жалғамақшы болды. Дегенмен, осы біздің үйдің артындағы құдыққа суық су жүйесін қосты, содан бері суық судың давлениясы төмендеп кешкісін 4-5 ші қабаттардағы пәтерлерге су көтерілмейді. Коммуналдық тұрғын үй екен деп халықтың кондоминимум бойынша меншігінде не ақысы бар?! №8 үйдің артында балабақшамен ортаға 3 электр қосалқы станциясын қою қай заңда көрсетілген?! Бүгінгі күні халық су тапшылығын көріп отыр, ертеңгі халық 9-қабаттық тұрғын үйге пәтер иелері мен 1-ші қабатындағы коммерциялық үй-жайларға қоныстанғанда не болады? Сол сияқты электр жарық жүйесі пәтер иелері мен коммерциялық үй-жайлар 380квт, 220квт қосқанда не болады? Бұл бассыздық қашан тоқтайды?» деп Үрзада тұрғындардың жанайқайын жеткізді.
Тұрғындар мердігер, кәсіпкер, Жамбыл облысы мәслихат депутаты Арман Еділбаев халықпен келіспей, баса көктеп билік жүргізетін бизнесі үшін халық жапа шегуі керек пе деген сауалдарына жауап ала алмауда.
Авторы: Исламбек Дастан, Жамбыл облысы
Дереккөз-kaz.orda.kz
