Бүгін ауданымызға жұмыс сапарымен келген облыс әкімінің орынбасары Ұлан Жазылбек «Ауыл – ел бесігі» жобасы шеңберінде 594 млн теңгеге салынған аудан орталығындағы дене шынықтыру-сауықтыру кешенінің жай-күйін көрді. Кешеннің ішкі залдарына, кабинеттеріне зер салып, тақтайшада жапсырылған аудан мақтаныштарының жетістіктерімен танысты.
Мұнан соң Ұлан Еркінұлы мемлекеттік «Жұмыспен қамтудың жол картасы» бағдарламасы аясында Аса ауылындағы 76 пәтерлі тұрғын үйдің және Жамбыл ауылындағы 100 орындықты білім ордасының құрылысын көрді. Мердігерлермен жүздесіп, кемшіліктерін басып айтты.
– Құрылысты уақытылы аяқтау мердігердің жұмыс алгоритіміне байланысты. Байқағаным, небәрі 4-5 айда аяқталатын нысанды қыстың қара суығына дейін жалғастырып жататын мердігерлер бар. Қыс мезгілінің құрылыс сапасына әжептеуір зияны бар екенін жақсы білесіздер. Мектеп қабырғаларындағы жылыту изоляциялары талапқа сай емес, ішкі бөлмелердегі әрлеп-сырлау жұмыстарына көңілім толмады. Халық игілігіне берілетін болған соң, сапаға айрықша көңіл бөліңіздер, – деді Ұ.Жазылбек.
Облыс әкімі орынбасарымен бірге аудан әкімнің орынбасары Нұрлан Несіпбеков, және аталмыш округ әкімдері болды
