2023 жыл еліміздің, әсіресе оңтүстік өңірі шаруа қожалықтары үшін қиын болып отыр. Соның ішінде, Жамбыл облысының 6 ауданында төтенше жағдай жарияланды.
Жамбыл облысында қолданыстағы суармалы жерлерді ағын сумен қамтуды жақсарту мақсатында 2019 жылдан бастап Халықаралық қаржы институттарының несиесі есебінен жалпы құны 40,0 млрд. теңге құрайтын 2 жоба жүзеге асырылып бастаған. Аталған жобалардың әкімшісі Су ресурстары комитетінің «Қазсушар» кәсіпорны болып табылады.
«2 жоба 2021 жылы бітіп, жалпы 114 мың гектар алқапты сумен қамтуы керек еді. Алайда, жобалау-сметалық құжаттаманың сапасыз әзірленуіне, жосықсыз мердігерлердің жұмысына және «Қазсушар» кәсіпорны тарапынан бақылаудың әлсіздігіне байланысты жобалардың аяқталуы ағымдағы жылдың желтоқсанына ауыстырылған. Жұмыстың уақытылы аяқталатыны үлкен күмән туғызады. Оған қоса, атқарылған жұмыстардың сапасы сын көтермейді. Бүгінгі таңда жобалар аясында жоспардағы 54 мың гектардың тек 34 мың алқабы ғана ағын сумен қамтылған» — деді Гүлдара Алданышықызы.
Депутат жауаптылардың салғырттығынан 20 мың гектарға жуық жерді иеленіп отырған шаруалар шығынға батуда. Олардың шығындарын өтеу бойынша Бюджеттен бөлінетін қаржы әр зардап шеккен шаруаға әділ түрде жетуі керек. Бұл қалай қадағаланады? Ал шаруаларды сумен қамтуға қатысты сырттан алынған қарыздарды қалай және кім өтейді? Бұл мәселеге нақты кім жауапты? деп заңды сауал қоюда.
Осыған дейін, Жамбыл облысында арпа-бидай еккен шаруалардың жағдайы тым ауыр, ҚУАҢШЫЛЫҚ. ТАЛАСТЫҚ ЖӘНЕ БАЙЗАҚТЫҚ ШАРУАЛАРДЫҢ МҰҢЫ (1 бөлім) мақалар жарияланған болатын.
