Бүгін Жамбыл облыстық көпбейінді балалар ауруханасының ауласынан облыс
әкімінің орынбасары Ержан Жылқыбаевтың ұйымдастыруымен С.Асфендияров атындағы
Қазақ ұлттық медициналық университетінің профессор-оқытушыларнан құралған
дәрігерлік бригада Сарысу, Мойынқұм Талас аудандарының шалғай елді мекендерінің
тұрғындарына әдістемелік мамандардырылған көмек беру үшін аттанды.
«Тамыз айының соңында С.Асфендияров атындағы Қазақ ұлттық медицина
университетінің Тараз қаласындағы филиалының ашылуы бойынша ынтымақтастық
туралы Меморандумға қол қойдық. Облыс орталығы базасында резиденттерді даярлау –
кадрлық тапшылығы мәселесін шешуге көмектеседі деген үміттенеміз. Алдағы уақытта
әлеуметтік кепілдіктер беріле отырып, ауылдық өңірлерден келген жастарды қайта
даярлау – кадр тапшылығын толтыруға мүмкіндік бермекші», — деді Е. Жылқыбаев
Бүгінгі таңда облыс аудандарында дәрігерлік кадрларға қажеттілік 129 адамды
құрайды. Облыс аудандарының медициналық ұйымдарында зейнеткерлік жастағы 93
дәрігер еңбек етеді, ауылдық жерлерге 18 жас маман келді.
Ауылда денсаулық сақтауды дамытудың тиімді тетігі — медициналық қызметтердің
жылжымалы нысандары болып табылады. Бүгінде облыста медициналық тексеру үшін
құрылған 3 жылжымалы мобильді кешен бар. Олар тек ересектерге ғана емес, балаларға
да тиісті көмек көрсету үшін ұйымдастырылған. Алдағы уақытта С.Асфендияров
атындағы ҚҰМУ-дың 20 оқытушысы кірген бригада зертханалық диагностикалық
зерттеуді тұрақты түрде ұйымдастырып тұрмақшы.
Бір апта ішінде терапевт, педиатр, кардиолог, УЗД (УЗИ), невропатолог, онколог
және акушер-гинеколог мамандарынан жасақталған, медицина ғылымдарының
докторлары мен доценттеріненқұралған 3 дәрігерлік бригадаСарысу, Талас, Мойынқұм
аудандарының шалғайдағы елді мекендерініңтұрғындарына консультативтік
мамандандырылған көмек көрсетпекші.
Оларға халық денсаулығын арттыру ісіндегі бірлескен белсенді
ынтымақтастықтары үшін алғыс айтқан облыс әкімдігі «мобильді емхана» жұмысына
сәттілік тіледі.
Облыс әкімдігі денсаулық
сақтау басқармасының
баспасөз қызметі