Жамбыл облысы Төтенше жағдайлар департаментінің Өрт сөндіру мекемесінің өрт сөндіруші-құтқарушы қызметкерлері күн сайын өздерінің жоғары деңгейдегі кәсіби шеберліктері мен қайсарлыққа толы әрекеттерінің арқасында өрттер мен жану оқиғаларын жойып, апаттық-құтқару жұмыстарын жүргізіп, қажет кезде азаматтарды құтқарудан еш шаршаған емес. Бүгін де 19 қазан күні өрт сөндірушілер мен құтқарушылар өздерінің кәсіби мерекелерінде кезекшілікке түсіп, қызметтік борышын абыроймен атқарып, азаматтарға көмек көрсетуде.
Осындай жағдайлардың бірі, Тараз қаласының Кармилюк көшесінде болған өрт болды. 14 сағат 40 минутта шұғыл қызмет телефонына үйдің шатыры өртеніп жатқаны туралы хабарлама келіп түсті. Күштер мен құралдарды жедел басқару орталығының диспетчерлері оқиға орнына дереу Тараз қаласы №2 Мамандандырылған өрт сөндіру бөлімінің, Кезекші өрт сөндіру қызметінің және Апаттар медицинасы орталығының күштер мен құралдарын жіберді. Өрт сөндірушілердің үйлесімді іс-әрекеттерінің арқасында өртті қысқа мерзімде жойылып және оған жақын жатқан құрылыстарға таралмады. Осылайша, өрт сағат 15:03 -да оқшауланып, 15:15-те толық жойылды. Өрттің жалпы көлемі 70 шаршы метрді құрады. Оқиға орнына Өрт сөндіру қызметінің жеке құрамынан 4 техника мен 23 адам, сондай-ақ Апаттар медицинасы орталығы жұмылдырылды.
Үй және жақын орналасқан үйлердің тұрғындары өрт сөндірушілерге, олардың жедел әрекеттері үшін шын жүректен алғыс білдірді
Біз өз кезегімізде барлық азаматтарды қырағылық пен ілтипатқа шақырамыз! Өрт қауіпсіздігі ережелерін есте сақтаңыздар!
Жамбыл облысы Төтенше жағдайлар департаментінің Өрт сөндіру және авариялық-құтқару қызметінің Ішкі және сыртқы коммуникациялар тобы
Тел. 8(7262) 34-86-09
