Мемлекеттік сатып алу жүйесіндегі сыбайлас жемқорлық тәуекелдерін Атамекен Ұлттық кәсіпкерлер палатасы әзірлеген «Біріңғай сатып алу терезесі» веб порталын зерделеу арқылы, тым жоғары баға қою фактілерінің орын алуына мониторинг жүргізуде.
2020 жылдың 9 айының қорытындысы бойынша Сыбайлас жемқорлыққа қарсы іс-қимыл агенттігінің Жамбыл облысы бойынша департаменті 33 мемлекеттік органдарға мемлекеттік сатып алуды жоспарлау
барысында бағаны жоғары қою фактілері анықталып, олардың бағасын қайта қарау бойынша ұсыныс хаттар жолдаған.
Нәтижесінде мемлекеттік органдармен мемлекеттік сатып алу жоспары қайта қаралып бүгінгі күнге 264 млн. теңге бюджет қаражаты үнемделді.
9 айда атқарылған жұмыс ауқымды
Ағымдағы жылдың 13 қазан күні «Антикор» орталығында «Департаменттің сыбайлас жемқорлықтың алдын алу бағытында 9 айда атқарылған жұмыстары» тақырыбында баспасөз конференциясы өтті.
Департамент басшысының бірінші орныбасары Р.Төлебаевтың айтуынша департамент 2020 жылдың 9 айында 8 мемлекеттік органдардың, оларға қарасты мекемелердің сыбайлас жемқорлық тәуекелдеріне сыртқы талдау жүргізіп, оның қорытындылары бойынша 67 ұсыныс енгізген. (оның 29 орындалды, қалғаны орындалуда).
Мысалы, орман шаруашылығы және жануарлар дүниесі аумақтық инспекциясы қызметкерлері мемлекеттік қызметті көрсетумен байланысты шешімдерді дайындау және қабылдау кезінде жеке немесе заңды тұлғаларға құқыққа сыйымсыз қолдау көрсеткен. Сондай-ақ, Мекеме басшылығы тексеру нәтижесі бойынша енгізілген нұсқамалардың орындалуына тиісті бақылау жүргізбеген, оның орындалуы туралы ақпарат инспекторлардың өздерінде болады және оның орындалуы жүйелі түрде есепке алынбай келген.
Ал, «Рухани Жанғыру» жобалық кеңсесі қызметіне жүргізілген талдау нәтижесімен 6,6 млн. тг. қаржылық бұзушылықтар анықталған. Айта берсек, мұндай мысалдар аз емес.
