Жамбыл облысы әкімдігі Табиғи ресурстар және табиғат пайдалануды реттеу басқармасының «Экологиялық ағарту және насихаттау шараларды жүргізу» мемлекеттік әлеуметтік тапсырыс шеңберінде «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастыруымен Тараз қаласы әкімдігі білім бөлімінің қолдауымен Тараз қаласында 10 жалпы білім беру мекемелерінің аумағында «Менің атаулы ағашым!» атты тал отырғызу акциясы жүргізілді. Акция аясында 1000 түп ағаш отырғызылды.
«Жамбыл облысы жастар ұйымдарының Қауымдастығы» заңды тұлғалар бірлестігінің атқарушы директоры Тұрлыхан Әлиханұлының сөзіне сүйенсек: «Акция барысында ұйымдастырушылардың ерекше көзіне ілікке №19 орта мектебі болды. Себебі акцияны ұйымдастыру барысында мектеп басшысы Мария Айтбекова ханым өзі бастап, бас қасында жүрді.
Айтайын дегенім, мектеп әкімшілігіне қатты риза болдық. Себебін толықтырсам: №19 орта мектебі 2016 жылдың 1 қыркүйегінде орта мектеп статусын алып, жаңа ғимаратқа көшеді. Бүгінгі күні мектепте 800 оқушы білім алуда. Жаңа ғимаратқа көшекенде оқу ордасының ішінде де, сыртында да ештеңе болмаған (көгалдандыру бойынша).
Мектеп әкімшілігі мен оқушылардың өзін-өзі басқару ұйымдары бірлесе отырып, «ЖАСЫЛ ЖЕЛЕКТІ МЕНІҢ МЕКТЕБІМ» атты жобаны қолға алынған.
Жобаның мақсаты: Мектеп ауласын көгалдандыру және көгеріштендіру, қоршаған ортаны қорғау, құрметтеу және қоғамға риясыз қызмет ету болып табылады.
Мектеп айналасы 3 жылдық еңбекті ақтап, бой көтеріп келе жатқан талдар мен көздін жауынын алатын түрлі әсем гүлдермен жайқалып тұр.
Егерде қаламыздағы әрбір мекеме осы жобаны қолға алып, дамытар болса, экологиялық мәселе болмас еді» — дейді Тұрлыхан Әлиханұлы.
Осы орайда, «экологиялық тәрбие — Жастардың экологиялық көзқарасын, санасын, табиғатқа деген парасаттылығын, жауапкершілік қарым — қатынасын қалыптастырады» — деген қағиданы басты назарға алып жастарымызды кішкентайынан тәрбиелегеніміз абзал болар.
