Бүгінгі таңда білім және ғылым саласында белсене еңбек етіп жүрген, білім алушыларға ерекше қолдау білідіріп, қоғамдық жұмыстарға белсене араласатын педагог – Рахметалиева Нэйла Батанқызы №9 Меркі колледжінде математика пәнінің оқытушысы болып қызмет етуде. 2009 жылы Жамбыл педагогикалық колледжін тәмамдаған. 2015 жылы Тараз инновациялық гуманитарлық университетінде бакалавр дәрежесін, 2017 жылы Тараз инновациялық гуманитарлық университетінде магистр дәрежесін алған. Сапалы білім мен саналы тәрбиені бір арнаға тоғыстыру арқылы оқушылар мен студенттерге үлгі бола білетін педагог бірқатар байқауларда топ жарып, биік белестерден көірініп келеді. «Мұғалім әрқашан өзін жетілдіріп отыру қажет» деген ұғымды басты нысанға алған оқытушы 2017 жылы «Білім беру мен оқытудың жаңаша үйлестіру: бүгіні мен боашағы» атты Республикалық ғылыми-әдістемелік конференцияға қатысып, әріптестерімен тәжірибе алмасқан және білім беру жүйесін жетілдіруге қосқан елеулі үлесі және жас жеткіншектерді тәрбиелеудегі жетістіктері үшін Құрмет грамотасымен марапатталған. 2017 жылы «APLC communication workshop» сертификатымен, «APU» Халықаралық тәжірибе алмасу сертификатын иеленген. 2017 жылы «Үздік электрондық ресурстар» атты облыстық байқауына қатысқаны үшін, «Интеллектуалды жастар – еліміздің болашағы» атты мемлекетаралық ғылыми –тәжірибелік конференциясына қатысқаны үшін, облыстық «Өрлеу» біліктілікті арттыру курсына қатысқаны үшін бірқатар марапаттарға, сертификаттарға ие болған. Білім бәйгесінде, жұмыс барысында белсенділік танытқаны үшін 2018 жылы «Ұлт ұстазы» төсбелгісімен марапатталған. Осы жылы жылы білім беру жүйесінің бағдарламасын дамытуға, жас ұрпаққа сапалы білім мен саналы тәрбие беруде, озық тәжірибелер мен ғылыми шығармашылық жұмысы Республикалық «1000 үздік ашық сабақ» атты жинақ кітабына енгені үшін және қазіргі заман талабына сай білім беру жүйесінің жаңа бағдарламасын дамытуға озық тәжірибелер мен ғылыми шығармашылық жұмысын насихаттауға қосқан үлесі үшін Республикалық ғылыми-әдістемелік шығармашылық «Ұлт ұстазы» журналының ұжымы тарапынан марапатталған.
Жамбыл экономика және ақпараттық технологиялар колледжінде ұйымдастырылған пәндік-тілдік кіріктірілген оқыту технологиясын сабақта қолдану әдісі тақырыбында семинарға қатысып, біліктілігін арттырған. 2018 жылы Халықаралық педагогикалық «Солнечный свет» порталы ұйымдастырған байқауда ІІІ дәрежелі дипломмен, Республикалық ғылыми әдістемелік журналы тарапынан білім беру саласында озат педагогикалық тәжірибесімен бөлісіп, белсенділік танытқаны үшін бірақатар Алғыс хаттармен марапатталған. Білім беру саласында жаңашыл әдістерді ұтымды пайдаланып, шығармашылық ізденімпаздық танытып, үздік шығармашылық белсенділігі үшін «Жаңашыл ұстаз» Республикалық ғылыми –әдістемелік, педагогикалық журналы тарапынан Алғыс хатпен марапатталған.
Әрқашан өзін кәсіби тұрғыда дамытуға ерекше назар аударып, көңіл бөлетін ұстаз озат педагогикалық тәжірибесін мерзімді баспасөз бетінде жариялап, өз шеберлігін көрсеткені үшін Республикалық ғылыми әдістемелік, педагогикалық басылымы тарапынан сертификатқа ие болған. Халықаралық педагогикалық «Солнечный свет» порталы ұйымдастырған байқауда ІІІ дәрежелі дипломға, 2019 жылы Ұлттық Интернет олимпиада ұйымдастырған байқауда І дәрежелі дипломға ие болып, «Қазтест» сайтында педагогтердің біліктілігін арттыру мақсатында ұйымдастырған Республикалық «Үздік педагог» олимпиадасына қатысқан. 2019 жылы Республикалық ғылыми әдістемелік, педагогикалық журналы тарапынан марапатталған. Сонымен қатар, осы жылы ағылшын тілі марафонына қатысып, өз білімін шыңдаған. 2020 жылы Республикалық қашықтықтан өткізілетін олимпиадалар орталығы тарапынан студенттерді олимпиадаға дайындағыны үшін Алғыс хатпен марапатталған. 2020 жылы «Математикалық сауаттылық» әдістемелік құралын республикалық деңгейде жариялап, сертификатқа ие болған. Сонымдай-ақ, осы жылы «Эрудит» республикалық олимпиадасына, Республикалық пәндік олимпиадасында белсенділік танытқаны үшін дипломмен, сертификатпен марапатталған. 2021 жылы облыстық «Үздік авторлық бағдарлама» байқауына қатысықаны үшін Халықаралық ғылым мен білімді қолдау орталығы тарапынан білім саласында белсенділік танытқаны үшін Алғыс хаттармен марапатталған. Қазақстандық интернет олимпиадаға қатысқаны үшін сертификатпен, «Өркениет» ғылыми әдістемелік орталығы ұйымдастырған байқауда І дәрежелі дипломмен, сертификатпен марапатталған. Межелі міндеттер мен нақты мақсаттар, педагогикалық тұрғыда кәсіби іскерлігінің нәтиіжесінде 2021 жылы облыстық «Үздік педагог» байқауында ІІ дәрежелі дипломмен марапатталып, жүлделі орындардың қатарынан көрінген.
