Жамбыл облысында шағын грант аясында жүзеге асырылған «Мәдени керуен» жобасы бойынша бірқатар мәдени-танымдық іс-шара ұйымдастырылды.
Жоба жастардың мәдени белсенділігін арттыруға, туған өлкенің тарихын танытуға және қоғамдық бастамаларға қатысуын ынталандыруға бағытталды.
Жоба аясында шілде-қазан айлары аралығында бірнеше іс-шара өткізілді. Атап айтқанда:
•Акустикалық кеш ұйымдастырылып, 100-ге жуық көрермен қамтылды. Кеште 20-дан астам жас өнер көрсетті.
•Тарихи ескерткіштерді тазалау акциясы өткізіліп, 50-ге жуық адам қатысты. Қарахан кесенесінің айналасы тазартылды.
•«Туған өлке тарихы» атты танымдық кездесу ұйымдастырылып, 40 адам қамтылды. Қатысушылар Жамбыл облысының тарихы туралы ақпарат алды.
•Ашық аспан астындағы концерттік бағдарлама өткізіліп, 100-ден астам көрермен жиналды. Жас өнерпаздар өз өнерлерін ортаға салды.
•Кино көрсетілімі ұйымдастырылып, 50 адам қатысты. Іс-шара жастардың туған өлке тарихына деген қызығушылығын арттыруға бағытталды.
Аталған іс-шаралар жастардың шығармашылық қабілеттерін дамытуға, тарихи-мәдени мұраға құрметпен қарауға және қоғамдық өмірге белсенді араласуына ықпал етті.
«Мәдени керуен» жобасы аясындағы жұмыстар жастардың басын біріктіріп, мәдени құндылықтарды дәріптеуге және туған өлкенің тарихын насихаттауға мүмкіндік берді.
