«Мәңгілік ел жастары индустрияға» — «Серпін — 2050» жобасы бүгінде еліміздегі ең танымал әлеуметтік жобалардың бірі. Бұл жобалар аясында өңіріміздің мектеп бітірушілері еліміздің солтүстік және шығыс аймағындағы оқу орындарында білімдерін жетілдіруде.
Өңірлік коммуникациялар қызметінің алаңында «Мәңгілік ел жастары – индустрияға!» — «Серпін-2050» әлеуметтік жобасы» тақырыбында брифинг өтіп, онда жобаның іске асырылу барысы айтылды. Журналистермен болған басқосуға Жамбыл облысы әкімдігінің білім басқармасының техникалық және кәсіптік білім беруді дамыту орталығының басшысы Саясат Есеев, Қазақ инновациялық гуманитарлық-заң университетінің проректордың міндетін атқарушы Раиса Садықова, Семей қаласының Шәкәрім атындағы мемлекеттік университетінің бөлім жетекшісі Шыңғыс Сүлейменов және Атырау мұнай және газ институты оқытушысы Күнзипаш Жүргенова қатысты.
Шарада білім басқармасының өкілі Саясат Есеев «Серпін — 2050» жобасы туралы хабарлама жасады. Бұл жоба аясында еліміздің оңтүстік өңірлерінің жастары, өндіріс орыгдары жамыған, жұмысшы қажеттілік қалыптасып отырған Ақмола, Ақтөбе, Атырау, Батыс Қазақстан, Солтүстік Қазақстан, Шығыс Қазақстан, Павлодар, Қостанай, Қарағанды өңірлерінің жоғары оқу орындары мен техникалық және кәсіптік білім беру ұйымдарында тегін білім алып, тұрақты жұмысқа орналасуына мүмкіндік алып отыр екен. Бұған біздің облыс жастарынан өзге Маңғыстау, Қызылорда, Оңтүстік Қазақстан, Алматы облыстарының жастары да қатыса алады. Жалпы, оңтүстіктің жастарының білім көкжиегінің өркендеуіне серпіліс беріп отырған әлеуметтік жобаның үш маңызды тұсы бар. Ол әуелі индустриялды-инновациялық жобаларғарға мамандарды даярлау. Сондай-ақ кәсіптік бейімделу және жастардың әлеуметтік, жұмыссыздық мәселелерін шешу. Биыл 4-ші жыл жүзеге асырылғалы отырған жоба басталған 2014 жылы 25 колледж бен 7 жоғары оқу орны қатысқан болса, өткен жылы 30 колледж Биыл 4-ші жыл жүзеге асырылғалы отырған жоба басталған 2014 жылы 25 колледж бен 7 жоғары оқу орны қатысқан болса, өткен жылы 30 колледж Биыл 4-ші жыл жүзеге асырылғалы отырған жоба басталған 2014 жылы 25 колледж бен 7 жоғары оқу орны қатысқан болса, өткен жылы 30 колледж 1050 білім беру тапсырысын орындап, 22 жоғары оқу орнына 3162 мемлекеттік грант бөлініпті. Бүгінде біздің аймақтан 877 түлек оқуға түскен. Олардың 715-і жоғары оқу орындарында, 162-і колледждерге педагогикалық, техникалық, технологиялық, ауыл шаруашылығы, медициналық мамандықтар бойынша білім алу үстінде. Ол жақта білім алып жатқан жоба қатысушылары оқуын аяқтаған соң сол өңірде қалып, жұмыс жасау мәселесі оң шешілген. Мәселен, бітіруші жұмысқа орналасқаннан кейін жергілікті әкімдік баспана мәселесін шешіп береді екен. Ал туған жерге қайту жағы өзінің құзыретінде екен.
– Жоғары оқу орнына түсу үшін түлектер ҰБТ немесе кешенді тестілеуге қатысуы тиіс. ҰБТ мен кешенді тестілеуден кем дегенде 50 бал жинауы керек. Бұл төменгі шектік деңгей әрі жоғары оқу орындарына түскісі келетіндерге ғана қатысты. Ал колледждер үшін мұндай шарт жоқ. Дегенмен, колледждерге де қабылдау емтиханы болады. Колледждерге жоғары оқу орындарыа түсе алмаған және 2-3 жыл бұрын оқу бітіріп, грант иелері атана алмаған, ақылы бөлім бітірген азаматтар түсе алады. Бір айта кететін жайт, жобаға қатысқысы келетіндердің жасына шектеу қойылмайды, – дейді Саясат Керімбекұлы. Сондай-ақ жоба арқылы жоғары оқу орындарына түскен студенттер шәкіртақымен, өңірлерге бір рет барып-қайту жолақысымен және жатақханамен, ал колледжге түскендер аталған жеңілдіктерге қосымша үш мезгіл тамақпен қамтамасыз етіледі екен.
Тағы бір айта кететін жайт, облыс орталығында жобаға қатысу үшін 23-31 шілде күндері мемлекеттік білім беру гранттарын тағайындау бойынша конкурсқа құжаттар қабылданады. Сонымен қатар М.Х.Дулати атындағы ТарМУ, ТарМПИ және Жамбыл политехникалық колледжінде қосымша ақпарат беру үшін арнайы кабинет қарастырылған.
Шынболат СЕЙДУАЛИЕВ
