«Балалар — біздің тірегіміз, елдің болашағы. Олардың қауіпсіздігі – қоғамның ортақ жауапкершілігі және де Ішкі істер министрлігінің басты міндеті. Бұл бағытта нақты шаралар қабылданып жатыр. Ювеналды полицияның жұмысы күшейтілді. Патруль нарядтары білім ұйымдарына жақын қойылды. Әкімдіктермен бірлесіп, мектеп маңындағы жол инфрақұрылымын жақсартып жатырмыз. Заңнама жаңа талаптарға сай пысықталып жатыр. Кәмелетке толмағандарға қатысты қылмыстар үшін жауапкершілік күшейді. Буллинг пен қудалауға қарсы құқықтық шаралар енгізілді», — деді ІІМ өкілі.
Ведомство мәліметінше, сенім телефондары арқылы балалар мен ата-аналар кез келген уақытта көмек ала алады.
«Ата-ананың қамқорлығы мен ұстаздың қолдауын ештеңе алмастыра алмайды. Отбасы мен мектеп – баланың алғашқы алтын ұясы. Сондықтан ата-аналар мен ұстаздардың балаларға әрдайым жақын болып, көңіл бөлуі маңызды. Ал, балалар, сіздерге айтарым, көмек сұраудан қорықпаңыздар! Полиция – сіздердің қорғандарыңыз! Біз сіздер қауіпсіз ортада өмір сүру үшін қызмет етеміз» — деді ІІМ әкімшілік полиция комитетінің төрағасы Қайсар Сұлтанбаев.
