ҚР Индустрия және инфрақұрылымдық даму министрлігі мен Сыбайлас жемқорлыққа қарсы іс-қимыл агенттігінің басшылығы көліктік бақылау саласындағы сыбайлас жемқорлық тәуекелдерін талдау нәтижелерін талқылады.
Агенттіктің 1-ші қызметінің басшысы Мұрат Ахметов мәлімдегендей, жүргізілген талдаудың мақсаты Қазақстанның заманауи көлік инфрақұрылымын дамыту мен қалыптастырудың тиімді және мақсатты жүйесін құруға көмектесу болып табылады.
Талдау нәтижелері бойынша көліктік бақылау комитетінде сыбайлас жемқорлыққа ықпал ететін себептер мен жағдайларды жою бойынша 100-ден астам ұсынымдар әзірленді.
М. Ахметов өз сөзінде көліктік бақылау саласында сыбайлас жемқорлыққа жоғары бейімділік байқалатынын, іс жүзінде барлық бағыттарда сыбайлас жемқорлық тәуекелдері анықталғанын атап өтті.
Бірінші бағыт: бақылау мен көрсетілетін қызметтерді автоматтандырудың жеткіліксіздігі.
Комитет бақылауды автоматтандыруды қамтамасыз етпеген, бұл деректердің манипуляциясына және кінәлі тұлғалардың кетуіне ықпал етеді, нәтижесінде көліктің 90%-ы мемлекеттік реттеуден тыс қалады, ал жинау және айыппұл түріндегі бюджеттің жыл сайынғы шығындары 10 млрд теңгеден астам соманы құрауы мүмкін.
Шетелдік рұқсат бланкілерімен алаяқтық бойынша 5 топ 2 мың рұқсат алды, инспекцияға тек 4% қайтарылды, бұл олардың қайта сатылғанын көрсетеді.
Өткен жылы 435 мың жалған диагностикалық карта берген 54 оператор анықталды.
Бұл автоматтандыру мен ақпараттық жүйелердің жетілмегендігіне байланысты мүмкін болды.
Екінші бағыт: теміржол тасымалдаушыларын субсидиялау және кеме қатынасы қауіпсіздігін қамтамасыз ету жүйесінің жетілмегендігі.
Тасымалдаушыларды айқындау жөніндегі конкурстар қағаз өтінімдер бойынша өткізіледі. Субсидиялар болжамды көрсеткіштер негізінде төленеді. Нәтижесінде тасымалдаушылар өз шығындарын шығыстардың баптарын асыра отырып, болжамды сомаларға «шығарады».
Кеме қатынасы қауіпсіздігін қамтамасыз ету мақсатында «Қазақстан су жолдары» РМҚК жыл сайын 9 млрд теңгеден бөлінеді, бұл ретте осы қаражат қажеттілігінің тиісті есебі жоқ.
Үшінші бағыт: сыбайлас жемқорлықтың алдын алу мәселелеріндегі сәтсіздіктер үшін Комитет пен инспекциялар басшы құрамының жауапкершілігін қамтамасыз етпеу.
Басшылардың жазасыздығы сыбайлас жемқорлыққа жағдай жасайды. Іс жүзінде әрбір басшы жанында оның қарамағындағылар тарапынан сыбайлас жемқорлық қылмыстар жасалды, жұмыста сәтсіздіктер де болды, бұл ретте министрлік басшылығы оларға тиісті шаралар қабылдаған жоқ.
Төртінші бағыт: Комитет пен инспекцияны бағалаудың дұрыс емес критерийлері.
Жұмыс салдармен күреске бағытталған-құқық бұзушылықтардың алдын алуға шоғырланбай, тартылған тұлғалардың саны, өндіріп алынған айыппұлдар мен алымдар.
Өз кезегінде Индустрия және инфрақұрылымдық даму вице-министрі Алмаз Ыдырысов Министрліктің көліктік бақылау саласындағы сыбайлас жемқорлық мүмкіндіктерін барынша азайтуға мүдделі екенін атап өтті.
Тараптардың келісімі бойынша ағымдағы жылдың тамыз айында жұртшылық пен түрлі қауымдастықтардың қатысуымен талдау қорытындыларын кең ауқымды талқылауды жүргізу туралы шешім қабылданды.
Баспасөз қызметі
