Астанада дзюдодан халықаралық Grand Slam жарысы әлемнің 49 елінен 400-ден астам дзюдошы қатысуда. Олардың қатарында Олимпиада және әлем чемпиондары бар. Ел астанасына қазірдің өзінде екі дүркін Олимпиада чемпионы Таканори Нагасе (Жапония), Рио-2016 жеңімпазы Рафаэла Сильва (Бразилия), Париж Олимпиадасының чемпионы Беатриз Соуза (Бразилия) және отандасымыз, Париж Олимпиадасының қола жүлдегері Ғұсман Қырғызбаев және басқа да жұлдыздар келді. Бұл турнир — әлемдік дзюдо аренасындағы ең жоғары дәрежелі жарыстардың бірі.
Ережеге сәйкес, жарысты қабылдаушы ел әр салмақта төрт спортшыға дейін қатыстыра алады. Бұл жас спортшылардың тәжірибе жинақтауына және IJF әлемдік рейтингінде маңызды ұпайлар еншілеуіне жол ашады.
Турнирге Елдос Сметов те қатысады. Алайда, бұл жолы тек құрметті қонақ ретінде. Жанкүйерлер қазақ спортындағы аңыз тұлғамен жүздесіп, естелікке суретке түсе алады.
Grand Slam жеңімпаздарына — 1000, күміс жүлдегерге — 700, ал қола медаль иегеріне 500 рейтингтік ұпай беріледі. Бұл ұпайлар Олимпиада жолдамасына талас жолындағы шешуші мәнге ие.
Бүгінгі жарыс күнде 60 салмаққа дейін күміс жүлдені Талғат Орынбасар, қолда жүлдені Мағжан Шамшаддин мен Аман Бақытжан иеленді.
66 келіге дейін дзюдошылар арасынан Париж Олимпиадасының қола жүлдегері Ғұсман Қырғызбаев күміс жүлдені місе тұтты.
Қыздар арасында екі салмақта ешкім жүлдеге ілінбеді.
QAZAQSTAN BARYSY GRAND SLAM ЖАРЫСЫНА ҚАТЫСАТЫН ҚАЗАҚСТАН ҚҰРАМАСЫНЫҢ ТІЗІМІ
9-11 мамыр аралығында Астана қаласында өтетін дзюдодан Qazaqstan Barysy Grand Slam жарысы өтеді, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Назарыңызға Ұлттық құрама спортшыларының тізімін ұсынамыз:
Ерлер:
-60 кг: Мағжан Шамшадин, Аман Бақытжан, Дәурен Суюкенов, Талғат Орынбасар
-66 кг: Ғұсман Кырғызбаев, Ердәулет Бозша, Бауыржан Нарбаев, Мирас Жонысов
-73 кг: Саят Сейітқалиев, Қуан Барыс, Бақытжан Абдурахманов, Есет Қуанов
-81 кг: Абылайхан Жұбаназар, Жалғас Қайролла, Айғали Қалдыбек, Азат Күмісбай
-90 кг: Аян Байғазы, Құдырет Досымов, Айдар Арапов
-100 кг: Марат Байқамұров, Бейбіт Мадеев, Бақжан Байтас
+100 кг: Еламан Ерғалиев, Ерасыл Қажыбаев, Мәди Еділбаев, Жамбыл Тұрғыналиев
Әйелдер:
-48 кг: Диана Буркеева
-52 кг: Құндыз Жылқыбай, Айшабибі Мұрадимова
-57 кг: Дина Муханбет, Дана Әбдірова
-63 кг: Асылжан Орынбасарова
-70 кг: Аруна Жангелдина, Кристина Сотникова, Диана Телбаева, Анастасия Морозова
-78 кг: Назерке Тілеуханова, Замзагүл Файзолланова
+78 кг: Ақерке Рамазанова, Толқын Тұрсынақынова
