1 наурыз – Алғыс айту күніне орай Жамбыл аудандық орталық емханасының дәрігерлері күні бойы «Ашық есік күнін» өткізіп, денсаулығына шағымымен қайырылған тұрғындарды қабылдады.
Тұрғындарға кардиолог, невропатолог, оташы, акушер-гинеколог, ВОП, әлеуметтік, психологиялық көмек көрсету, және сауықтыру бөлімінің ақ халаттары қызмет көрсетіп, кеңес берді.
Орталық аурухананың бас дәрігерінің орынбасары Нұрмахан Мәуленовтың айтуынша, мейірім мерекесіне ұйымдастырылған шараға қараша халықтың қарасы қалың болған.
– Бүгін 180 азаматқа көмек көрсеткен дәрігерлер тек кеңес беріп қана қоймай, олардың денсаулықтарын тексеріп, сырқаудың нақты анықтамалары тұралы қажетті ақпарат берді. Сондай-ақ тұрғындарға айтулы мерекеге орай сый-сияпаттар үлестірілді, – дейді Нұрмахан Досмұханұлы.
Ақжігіт Жетпісбай, Жамбыл ауданы
