Белгілі ақын, Қазақстанның халық жазушысы Исраил Сапарбай дүниеден озды

Бұл туралы Жазушылар одағы төрағасының орынбасары Қасымхан Бегманов әлеуметтік желіде хабарлады. Жазушы 18 шілдеде таңертең Қаскелеңдегі үйінде 84 жасында қайтыс болды.

«Бүгін таңнан суық хабар жетті… Таңғы сағат төрт шамасында 85 жасына қараған шағында Қазақстанның халық жазушысы, Тәуелсіз «Платиналы Тарлан» сыйлығының лауреаты, аса көрнекті ұлт ақыны, белгілі драматург, талантты сазгер Исраил Сапарбай ағамыз дүниеден өтті. Иә, сағат тілі қасиетті жұмаға қарай ауғанда ақынның соңғы демі үзілді. Ұлы ақынның Қаскелеңдегі қара шаңырағында, бала-шағасының алдында ауыр науқастан қайтқаны жайлы хабарды маған ағамыздың ұлы Нұрлан Исраилұлы бауырым хабарлады», — деп жазды Бегманов.

Тегтер: Исраил Сапарбай