Мемлекет басшылары алдымен біздің заманымызға дейінгі IV-III ғасырлардан бастау алатын, тарихтың сан түрлі соқпағынан өткен Арк қамалына ат басын бұрды. Бүгінде мұнда Бұхара мемлекеттік музей-қорығы орналасқан.
Сапар барысында президенттер Орталық Азияның інжу-маржаны саналатын «Ляби-хауз» және «Пои-Калян» кешендерін тамашалады. Бұл нысандар — тек сәулет өнерінің туындысы емес, аймақтың ғасырлар бойғы рухани діңгегі.
Ерекше атап өтерлігі, президенттерге қазақ даласының біртуар тұлғасы Мәшһүр Жүсіп Көпейұлының музей-құжырасы таныстырылды. Бұхара медреселерінде білім алған Мәшһүр Жүсіп Көпейұлы, Нұржан Наушабаев пен Шортанбай Қанайұлы секілді зиялылардың есімдері екі халыққа ортақ мұра ретінде ұлықталды.
