Бүгінгі ақпаратымыздың айдарын Жамбыл ауданы әкімдігінің әлеуметтік «Инстаграмм» желісіндегі ресми парақшасына түскен азаматтың жан жадыратар жаңалығына арнапақпыз!
Бесағаштықтардың ұйымшылдығын талай тілге тиек етсек, бүгінгі игілікті ісіне тоқталмай кетпеуге болмайды.
Ауыл жастары мұрындық болып, белсенді азаматтары қолдап, ауыл имамы Айтжан Әбдікәрімұлына баспана салған бесағаштықтар бүгін сол пәтердің кілтін салтанатты жағдайда табыс етті. Құтхана имамы ілкімді іске атсалысқан барша азаматқа алғысын айтып, батасын берді.
«Жастарыңды көрсет, еліңнің ертеңін айтайын» демекші, сауапты іске ден қойған азамматтар басқа ауылдарға үлгі боларлық іс жасағаны даусыз.
Ауыл жастары жасасын!
