7.12.2020 жыл. Тараз. Жамбыл облысы әкімдігі денсаулық сақтау басқармасының экс басшысы Марат Жұманқұловқа қатысты тергеу жұмыстары жүргізілуде деп хабарлайды TURANINFO.kz ақпарат агентігі ҚАЗАҚСТАН РЕСПУБЛИКАСЫ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ (СЫБАЙЛАС ЖЕМҚОРЛЫҚҚА ҚАРСЫ ҚЫЗМЕТТІҢ) ЖАМБЫЛ ОБЛЫСЫ БОЙЫНША ДЕПАРТАМЕНТІНЕ сілтеме жасап.
Агенттік Жамбыл облысы бойынша департаментіне үш сұрау салған болатын. Бірінші сауалында Жамбыл облысы әкімдігі денсаулық сақтау басқармасының бас маманы Бақытбек Бейсебаев қамауға алынды деген ақпарат қаншалықты рас? Басқарманың бұрыңғы басшысы Марат Жұманқұловқа қатысты қандай процессуалдық әрекеттер жүруде? Ауруханаларға заман талабына сай емес кереуеттер алынды деген қаншалықты рас? деп көрсетілген.
Жауапта «Жамбыл облысы бойынша сыбайлас жемқорлыққа қарсы қызметімен «Жамбыл облысы әкімдігінің денсаулық сақтау басқармасы» КММ-нің лауазымды тұлғаларына қатысты медициналық бұйымдар мен жабдықтарды жоғарғы бағамен сатып алу фактілері бойынша сотқа дейінгі тергеп-тексеру жүргізілуде. Аталған қылмыстық іс негізінде денсаулық сақтау басқармасының мемлекеттік сатып алу бөлімінің бұрынғы басшысына қатысты техникалық спецификацияға сәйкес келмейтін медициналық темір төсектерді жоғарғы бағамен сатып алу фактісі бойынша «күзетпен ұстау» түріндегі бұлтарпау шарасы қолданылған. Ал осы басқарманың бұрынғы басшысына қатысты тергеп-тексеру жалғасуда. Қазақстан Республикасының Қылмыстық-процестік кодексінің 201-бабына сәйкес, басқа сотқа дейінгі тергеп-тексеру деректері жария етілмейді» деп көрсетілген.
Екінші сауал елді шулатқан Жуалы аудандық Орталық ауруханасының бас дәрігері Батихан Алпысбай қатысты қылмыстық іс ашылды ма? Аурухананың кассирі ғана іс жүргізіп жатыр деген қауесет қаншалықты рас? Аурахана әкімшілігі жауапқа тартыла ма? деп сұрау жіберілді.
Жамбыл облысы бойынша Сыбайлас жемқорлыққа қарсы қызметімен «COVID-19» коронавирустық инфекцияның пандемиясы аясында медицина қызметкерлеріне эпидемияға қарсы іс-шаралар үшін төленген үстемақыларды Жуалы аурухана қызметкерлерімен иемдену фактілері бойынша ҚР ҚК-нің 190-бабы 3-бөлігі 3-тармағымен қылмыстық іс тергелуде.
Қазіргі таңда, сотқа дейінгі тергеп-тексеру жалғасуда.
Қазақстан Республикасының Қылмыстық-процестік кодексінің 201-бабына сәйкес, басқа сотқа дейнгі тергеп-тексеру деректері жария етілмейді — деген жауап келді.
Ал, үшінші сауалымыз Жамбыл ауданы орталық ауруханасының бас дәрігері Алтай Саурықов, орынбасарлары Кубеева Гаухар (іс сапарға барған деседі), Сұлтанова Сауле, Сайлаубаева Инараға қатысты Қылмыстық Кодекстін қай бабымен іс қозғалды ма? делінген сауалдар еді. Агенттік тарапынан төмендегідей жауап келді
«Жамбыл облысы бойынша Сыбайлас жемқорлыққа қарсы қызметімен Жамбыл аудандық орталық ауруханасының лауазымды тұлғаларына қатысты 2018 жылы 5,7 млн теңгені жымқыру дерегі бойынша сотқа дейінгі тергеп-тексеру жүргізілуде. Қазақстан Республикасының Қылмыстық-процестік кодексінің 201-бабына сәйкес, басқа сотқа дейінгі тергеп-тексеру деректері жария етілмейді» делінген.
Осы үш факті бойынша бірінші басшылардың жауапқа тартылу туралы айтылмаған, бұйрықты орындаушылар ұсталып, соның басында тұрған «балықтар» қашып құтыла ма екен?! Әліптің артын бағайық. Осы қылмыстық істер бойынша ақпарат агенттік өз бақылауында болады.
Фотолардың барлығы turaninfo.kz сайтынан алынды.
