Байзақ ауданы Түймекент аулының жастарымен кездесу өтті

Ағымдағы жылдың 19 қыркүйек күні Түймекент ауылдық округіндегі мектептерде «Жамбыл облысы әкімдігінің Денсаулық сақтау басқармасы №1 қалалық емханасы» ШЖҚ МКК-ның тапсырысымен «Тең-теңімен» қағидасымен салауатты өмір салтын насихаттау бойынша жастар мен жасөспірімдер арасында еріктілер қозғалысын дамыту» атты әлеуметтік жобасын іске асыру бойынша «Жамбыл облысы Жастар мәслихаты» ЖҚБ «Тең-теңімен»қағидасын түсіндіру бойынша белсенді жастармен кездесу өткізілді. Кездесуге «Жамбыл облыстық салауатты өмір салтын қалыптастыру орталығы» ЖШС-нің маманы, лектор Б.Сарыбаева, «Жамбыл облысы Жастар мәслихаты» ЖҚБ-нің атқарушы директоры Ж.Дүйсетов қатысты.
Кездесу барысында:Қай заманда болсын есті де еңбек сүйгіш, қайырымды ұрпақ тәрбиелеу адамзаттың асыл парызы саналған. Соңғы жылдары нарық қыспағына түскен жастар рухани да, мәдени де, спорт жағынан да құлдырап кетті. Бұл, әрине, өсер ұрпаққа теріс әсерін тигізуде. Қазіргі кездегі дертке айналып бара жатқан нашақорлық, ішімдік ішу, темекі тарту тағы да толып жатқан теріс қылықтар тым күрделеніп кетті. Әлі де өмір жолына түспеген ұрпақты сақтандыру үшін, бос уақыттарын мәнді де мәнерлі өткізуіне көңіл бөлу керек. Осыдан шығар бірден-бір жол – салауатты өмір салтын ұстану.
Салауатты өмір салты мен өмір сүру үшін төмендегі талапты орындау керек:
1.Айқын жасалған күн тәртібінің болуы.
2.Дұрыс тамақтану.
3.Дұрыс тынығу.
4.Дене еңбегімен шұғылдануы.
5.Таза ауада болып, күн көзінде серуендеу.
6.Табиғат аясында көп уақыт болу.
7.Зиянды әдеттерден сақтану.
8.Дұрыс қозғалыста болуы, және т.б. пайдалы кеңестер айтылып, таратпа материалдары таратылып, түрлі видеороликтер көрсетілді.