Бақылау-касса машинасының фискалды түбіртегін берілмегені туралы немесе төлем карталары бойынша төлемді қабылдаудан бас тарту туралы хабарлаған Қазақстан Республикасының тұрғындары арасында «Азаматтық бақылау – түбіртекті талап ет» акциясы өткізіле бастады.
Мемлекет басшысының өзін-өзі реттеу, қоғамдық бақылау тетіктерін мораторий қолдану кезеңінде жандандыру туралы тапсырмаларына сәйкес Мемлекеттік кірістер комитеті бақылау-касса машинасының фискалдық түбертектерін бермеу не төлем карталары бойынша төлемді қабылдаудан бас тарту фактілерін анықтау үшін 2021 жылдын бастап «Азаматтық бақылау-Түбіртекті талап ет» акциясы өткізілуде.
«Азаматтық бақылау — түбіртекті талап ет» акциясына кез келген ниет білдіруші азамат қатыса алады. Барлық жіберілген өтініштер мемлекеттік кірістер органдарымен қарастырылатын болады.
Фискалдық түбіртекті бермеу немесе төлем карталары бойынша төлемді қабылдаудан бас тарту фактілері туралы App Store және Play market-тен «WIPON CASHBACK» тегін мобильді қосымшасын жүктеу арқылы хабарлауға және фискалдық түбіртекті бермеу фактісі расталған жағдайда телефон теңгеріміне сыйақы (жеке табыс салығы шегеріле отырып 1000 теңге) алуға болады. Осы орайда, Сіз жолдаған бейнешағымда кассалық түбіртекті бермеуін немесе банкалық карточканы төлемге қабылдамау жағдайында, кәсіпкерлік обьектінің атауын және мекен-жайын нақты көрсетуіңіз қажет.
Кәсіпкер туралы ақпаратты білу үшін (идентификациялау) салып алушы кассаның жанында орналасқан QR-кодты сканерлеуге болады.
Жамбыл облысы бойынша мемлекеттік кірістер департаменті, Жамбыл облысының барлық азаматтарын өздерінің азаматтық ұстанымдарын білдіруге, заңды бұзушыларға бей-жай қарамауға және «Азаматтық бақылау — түбіртекті талап ет» акциясына белсенді қатысуға шақырады.
Автор: Жамбыл облысы бойынша мемлекеттік кірістер департаментінің «Байланыс — орталығы» басқармасының басшысы Қоспанов Өмірзақ Сайлауұлы
