Ол 2025 жылы шекара маңындағы өткізу пункттерін жаңғырту аясында «Қапланбек», «Атамекен», «Қалжат» және «Алакөл» іске қосылғанын хабарлады. Жыл соңына дейін тағы бесеуі енгізіледі, бұл сыртқы контурдағы барлық автоөткізулерді жаңғыртуды қамтамасыз етеді. Өткізу қабілеті 25%-ға өсті, автокөліктің өту уақыты 9-дан 3 сағатқа дейін қысқарды, CargoRuqsat электрондық кезегі енгізілді.
1 қаңтардан бастап «Мемлекеттік сатып алу туралы» жаңа Заң қолданыста. Нәтижесінде шарттар көлемі 2 есе өсті, отандық өндірушілерден сатып алу 2,5 есе өсіп, рәсімдер мерзімі 3-6 есе қысқарды.
«Мемлекеттік қолдаудың тиімділігін есепке алу және бағалау мақсатында Baqylauda сервисі құрылды. Қазіргі таңда кәсіпкерлікке 106 шара қарастырылған. 2015-2023 жылдар аралығында 222,5 мың алушы жалпы сомасы 10 трлн теңгеден астам қаражатты пайдаланды.Қолдау шаралары бойынша деректер салық ақпаратымен біріктіріледі, бұл скоринг жүргізуге, тиімділікті бақылауға, бюджетті жоспарлау кезінде мәліметтерді пайдалануға және қарсы міндеттемелерді қалыптастыруға мүмкіндік береді»,
— деп толықтырды Серік Жұманғарин
